बुटवल । जेठ २२ । लामो विवाद र रस्साकस्सी पछि नेपाली काँग्रेसले आसन्न स्थानीय तहको दोश्रो चरणको निर्वाचनका लागि रुपन्देहीका बुटवल उपमहानगरपालिका सहित ५ नगरपालिका र १० गांउपालिकामा आफ्ना उम्मेदबारहरुको टुंगो लगाएको छ ।
कांग्रेसले मंगलवार तय गरे अनुसार बुटवल उपमहानगरपालिकाको मेयरमा पार्टीका बुटवल सभापति खेलराज पाण्डेलाई र तिलोत्तमा नगरपालिकामा पार्टी जिल्ला सचिब रामकृष्ण खांणलाई उम्मेदवार बनाएको छ ।
यस्तै देबदह नगरपालिकामा पार्टीका क्षेत्र न १ का सभापति हिरा केसीलाई, सैनामैनामा फणेन्द्र शर्मालाई, सिद्दार्थनगर नगरपालिकामा मात्रिकाप्रसाद यादवलाई र लुम्बिनी सांस्कृतिक नगरपालिकाको प्रमुखमा मोहम्मद शइद खाँइलाई उम्मेदवार बनाउने निर्णय गरेको छ ।
त्यस्तै कञ्चन गाउँपालिकाको प्रमुखमा डोलबहादुर थापा, गैडहवा गाउँपालिका प्रमुखमा वसिउल्लाह मुसलमान,रोहिणी गाउँपालिका प्रमुखमा अकबाल खाँ ,मायादेवी गाउँपालिका प्रमुखमा धुव्रनारायण चौधरीले उम्मेदवारी पाएका छन् ।
त्यस्तै कोटहीमाई गाउँपालिकाको प्रमुखमा विरेन्द्र कुमार कलवार र मर्चवारी गाउँपालिका प्रमुखमा ज्ञानप्रकाश मिश्रले उम्मेदवारी पाएका छन् ।
