बुटवल । जेठ २४ । ईरानको राजधानी तेहरानस्थित संसद भवनमा आतंकवादी आक्रमण भएको छ ।
संसद भवन परिसरमा ईस्लामिक स्टेट आईएसका चारजना बन्दुकधारी संसद भवन परिसरभित्र छिरेर आक्रमण गरेको अन्तराष्ट्रिय संचारमाध्यमहरुले जनाएका छन ।
घटनामा एक दर्जन भन्दा बढीको मृत्यु भएको र दर्जनौं मानिस घाइते भएको समाचारमा जनाईएको छ ।
त्यस्तै, ईरानका पूर्व धार्मिक नेता आयतोल्लाह खुमेनीको समाधिस्थलमा पनि गोलावारी भएको छ ।
महिला आत्मघाती आक्रमणकारीले आफुलाई बमले उडाएको बताईएको छ । समाधिस्थलमा भएको घटनामा एकजनाको मृत्यु भएको बताईएको छ ।