बुटवल । जेठ २५ । प्रधानमन्त्री एवं कांग्रेस सभापति शेरबहादुर देउवाले दोश्रो चरणको स्थानीय तह निर्वाचनमा केन्द्रित हुन कार्यकर्ताहरुलाई निर्देशन दिनुभएको छ ।
नेविसंघले पार्टी कार्यालय सानेपामा बिहिवार आयोजना गरेको कार्यक्रममा प्रधानमन्त्री देउवाले चुनावबारे कसैले फैलाएका अफवाहबाट प्रभावित नहुन र चुनावमा पार्टीलाई जिताएर आफूले नेतृत्व गर्ने पार्टीलाई बलियो बनाउन निर्देशन दिनुभयो ।
चुनाव हारे अन्य कुराको अर्थ नहुने भन्दै उहाले पार्टीलाई चुनावमा जिताउन सबै एकजुट भएर लाग्न समेत निर्देशन दिनुभयो ।
कार्यक्रममा वरिष्ठ नेता रामचन्द्र पौडेलले विभाजित नहुन र चुनावमा केन्द्रित हुन निर्देशन दिनुभएको थियो ।
