केशव भण्डारी– बुटवल । असार ९ । नेपालको राजनीतिक इतिहासमा गुल्मीको महत्वपुर्ण भुमिका छ । २०१५ सालको पहिलो जननिर्वाचित संसदको पहिलो बैठक संचालन गर्ने सांसद पनि गुल्मीकै थिए भन्ने हेक्का कमैलाइ होला । पछिल्ला दिनहरुमा पनि गुल्मीले कैयौ नेताहरु जन्माएको छ ।
त्यही गुल्मीमा अहिले यही असार १४ गते हुने दोस्रो चरणको स्थानीय तहको चुनावको रौनक छ । दल र तीनका उम्मेदवारहरु जनतासामु भोट माग्न लर्को लागेर घरघरमा गैरहेका छन ।
जिल्ला निर्वाचन कार्यालय गुल्मीका अनुसार यो निर्वाचनमा गुल्मीबाट ४ सय ८९ जना जनप्रतिनिधीका लागि १ हजार ४ सय २३ जना चुनावी मैदानमा उत्रिएका छन् । ती मध्ये ५ सय ४० जना महिला उम्मेदवारहरु छन् । ति महिला मध्ये १५ जना महिलाले वडा अध्यक्षमा मनोनयन दर्ता गराएका छन् ।
८६ हजार १५ जना पुरुष र ९४ हजार ७ सय ५९ महिला गरि १ लाख ८० हजार ७ सय ७५ मतदाता रहेको गुल्मीमा २ नगरपालिका र १० गाउँपालिका गरी १२ स्थानीय तह छन् । निर्वाचनका लागि जिल्लामा १ सय ३८ मतदान स्थल र २ सय ४० वटा मतदान केन्द्रहरु निर्धारण गरिएको छ ।
११ वटा क्रियाशिल दल रहेको गुल्मीमा निर्वाचनको मिति नजिकिदै गर्दा मुख्य प्रतिष्प्रर्धी दल काँग्रेस, एमाले र माओवादी केन्द्र गरी सवैले आफ्ना प्रतिवद्धता र आश्वासन दिदै घरदैलो गरिरहेका छन ।
जिल्लाको सदरमुकाम तम्घास समेत रेहेको रेसुङ्गा नगरपालिकामा १८ हजार भन्दा धेरै मतदाता छन । १५ वटा मतदान स्थल र २८ वटा मतदान केन्द्र रहेको रेसुङ्गामा चुनावी प्रतिष्प्रर्धा कडा छ । यहाँ नेपाली कांग्रसबाट भुवनप्रसाद श्रेष्ठ
तथा एमालेबाट डिल्लीराज भुसाल र माओवादी केन्द्रबाट धर्म बिश्वकर्मा मेयरका प्रत्यासी छन ।
दोश्रो नगर मुसिकोटमा सवै भन्दा बढि १९ हजार ४८५ मतदाता छन । यहाँ मतदान स्थल १५ र मतदान केन्द्र २४ वटा तोकिएको छ । यहाँ कांग्रेसबाट कृष्णहरी सापकोटा र एमालेबाट सोमनाथ सापकोटा तथा माओवादी केन्द्रबाट खुमबहादुर थापा मेयरका प्रत्यासी हुन ।
जिल्लाको पुर्वी भेगमा रहेको र वाग्लुङ, पर्वत तथा स्याङ्गजाको सिमानामा पर्ने कालिगण्डकी गाउँपालिकामा १२ हजार ६ सय ३४ मतदाता छन । यहाँ मतदान स्थल १० र मतदान केन्द्र १७ वटा तोकिएको छ ।
कालिगण्डकी गा.पा.मा काँग्रेसले अध्यक्षमा वेद थापा मगरलाइ अध्यक्षको उम्मेदवार बनाएको छ । एमालेले टिकाराम ढकाललाइ र माओवादी केन्द्रले ओमप्रकाश न्यौपानेलाइ अध्यक्ष पदमा उठाएका छन ।
यस्तै १३ हजार ३ सय ९३ मतदाता संख्या रहेको चन्द्रकोटमा द्रोण खत्री (कांग्रेस), भिमलाल श्रेष्ठ (एमाले) र युवाराज केसी (माओवादी केन्द्र )का उम्मेदवार चुनावी मैदानमा छन ।
यस्तै १५ हजार ५ सय ७१ मतदाता रहेको सत्यवती गाँउपालिकामा पारिश्वर ढकाल कांग्रेस र अमरसिंह सिंजाली एमाले का अध्यक्षका उम्मेदवार हुन । त्यहा माओवादी केन्द्रको कांग्रेसलाई समर्थन छ ।
उता १३ हजार ५ सय ४२ मतदाता रहेको रुरु गाउँपालिकामा मतदान स्थल ११ वटा र मतदान केन्द्र १८ वटा छन । पाल्पा र स्याङजा सँग सिमा जोडिएको पवित्र रुरु क्षेत्र समेत पर्ने रुरु गाँउपालिकामा कांग्रेस–माओवादीबीच गठबन्धन छ । यहाँ काग्रेसका यदु ज्ञवाली र एमालेबाट निलकण्ठ गौतम अध्यक्षका प्रतिष्प्रर्धी हुन ।
गुल्मी दरवार गाउँपालिकामा पनि चर्को प्रतिष्प्रर्धा छ । यहाँ मतदाता १५ हजार ३६७ छन भने मतदान स्थल ११ र मतदान केन्द्र १८ वटा कायम गरिएको छ । यहाँ कांग्रेसबाट अशोककुमार थापा, एमालेबाट कृष्णबहादुर भुसाल र माओवादी केन्द्रबाट पुनाराम ज्ञवाली अध्यक्षको मैदानमा छन ।
छत्रकोट गाउँपालिकामा १५ हजार ५ सय ११ मतदाता छन । १० मतदान स्थल र १८ वटा मतदान केन्द्र रहेको छत्रकोटमा कांग्रेसबाट अनन्तराम पौड्याल र एमालेबाट मधुकृष्ण पन्थ तथा माओवादी केन्द्रबाट रामप्रसाद पन्थ उम्मेदवार छन । मधुकृष्ण एमालेका जिल्ला अध्यक्ष हुन भने काँग्रेसका अनन्त साविकको हुँगा गाविसका पुर्व अध्यक्ष । यहाँ यी दुइवीच कडा प्रतिष्प्रधा हुनेछ ।
यस्तै १५६४९ मतदाता रहेको धुर्कोट गाउँपालिकामा मतदान स्थल ११ र मतदान केन्द्र २१ वटा तोकिएको छ । यहा कांग्रेस माओवादी केन्द्रबाट भुपाल पोखरेल र एमालेबाट कृष्ण घिमिरे अध्यक्षका उम्मेदवार बनेका छन ।
यसैगरी मदाने गाउँपालिकामा १३ हजार २७८ मतदाता छन । अर्घाखाँची र प्युठानको सिमाना जोडिएको मदानेमा मतदान स्थल १० र केन्द्र १९ वटा छन । यहाँ काग्रेसका महेन्द्र कुँवर र एमालेबाट दानबहादुर केसी तथा माओवादी केन्द्रबाट बेगमबहादुर चन्द अध्यक्षका उम्मेदवार हुन ।
ईस्मा गाँउपालिकामा मतदाता १३ हजार ८४० छन । यहाँ ८ वटा मतदान स्थल र १८ वटा मतदान केन्द्र तोकिएको छ । यहाँ कांग्रेसबाट चन्द्रबहादुर महत तथा एमालेबाट लक्ष्मण बिष्ट र माओवादी केन्द्रबाट विमला थापा उम्मेदवार बनेका छन।
उता उत्तरी वाग्लुङ्गको सिमानासँग जोडिएको मालिका गाउँपालिका १४ हजार १६४ मतदाता छन । ११ मतदान स्थल र १९ वटा केन्द्र रहेको मालिकामा कांग्रेसबाट ज्ञानबहादुर कार्की तथा एमालेबाट रितबहादुर थापा र माओवादी केन्द्रबाट देविराम अर्याल अध्यक्षका उम्मेदवार हुन ।
जिल्लामा काँग्रेस र माओवादीले धेरै ठाउँमा चुनावी तालमेल गरेका छन । प्रतिष्प्रर्धा मुख्य रुपमा काँग्रेस र एमालेको हो । एमालेका प्रदीप ज्ञवाली र गोकर्ण विष्ट तथा काँग्रेसका चन्द्र भण्डारी लगायतका केन्द्रीय नेताहरु पनि अहिले आफ्ना उम्मेदवार जिताउन जिल्लामा खटिएका छन।
