बुटवल । असार २० । रुपन्देहीको देवदहमा नगरपालिकामा काँग्रेसका युवा नेता हिरा केसी विजयी हुनुभएको छ । केसीले १० हजार १७६ मत प्राप्त गर्नुभयो भने निकटतम प्रतिद्वन्द्वी नेकपा एमालेका उम्मेदवार टीकाराम चापागाईंले १० हजार ६२ मत मात्र प्राप्त गर्नुभयो ।
उपप्रमुख पदमा भने एमालेकी विद्यालक्ष्मी गुरुङ विजयी हुनुभएको छ । उहाँले १० हजार २११ प्राप्त गर्नुभयो । निकटतम प्रतिद्वन्द्वी नेकपा माओवादी केन्द्रकी टीका न्यौपानेले ७ हजार ६६ मत प्राप्त गर्नुभयो । देवदहका नौवटा वडामा भने एमालेले जितेको छ ।
