बुटवल । साउन ७ । नेपाल कम्युनिस्ट पार्टीका संस्थापक महासचिव पुष्पलाल श्रेष्ठको ३९ औँ स्मृति दिवस विविध कार्यक्रम गरि मनाइँदै छ ।
पुष्पलाल स्मृति प्रतिष्ठानको आयोजनामा शनिबार कीर्तिपुरस्थित पुष्पलाल स्मृति उद्यानमा रहेको पुष्पलालको शालिकमा माल्यार्पण लगायतका कार्यक्रमको आयोजना गरेका छन।
यसैगरी बुटवलमा पनि पुष्पलालको सम्झनामा पुष्पलाल पार्कमा माल्यार्पण गरिएको छ । एमाले बुटवल उपमहानगरपालिका कमिटीले आयोजना गरेको कार्यक्रममा एमाले नेता राधा ज्ञवाली लगायतले पुष्पलालको योगदानको चर्चा गरेका थिए ।
२०१७ साल पौष १ गतेपछि भूमिगत र निर्वासितजीवन बिताउनु भएका पुष्पलाल इमानको राजनीति गर्ने नेताका रुपमा पनि चिनिनुहुन्छ ।
पुष्पलालको २०३५ साल साउन ७ गते भारतको नयाँ दिल्लीस्थित अल इण्डिया मेडिकल इन्स्टीच्युटमा उपचारका क्रममा ०३५ साल श्रावण ७ गते निधन भएको थियो
