बुटवल । साउन २९ । पुर्वी र मध्यपश्चिम तराइ क्षेत्रमा बाढी पहिरोले वितण्डा मच्चाएपछि कसरी उद्दार र राहत गर्ने भन्ने बारेमा छलफल गर्न मन्त्रिपरिषद्को बैठक बस्दैछ ।
साँझ पाँच बजेबस्ने मन्त्रिपरिषद बैठकमा बाढी पहिरो पिडितको उद्दार र राहतका लागि संकटकाल लगाएर प्राकृतिक प्रकोपमा जुट्नेबारे छलफल हुने उच्च श्रोतले जनाएको छ । मन्त्रिपरिषद श्रोतका अनुसार चुनावलाई असर नगर्ने गरि प्रकोप ब्यवस्थापनमा जुटन संकटकाल लगाउनेबारे छलफल हुनेछ ।
चार दिन देखिको भीषण वर्षासँगै आएको बाढी, पहिरो र डुवानमा परेर देशभर चालिस भन्दा बढीको मृत्यु भएको र त्यति संख्यामा सर्वसाधारण बेपत्ता तथा वर्षाबाट ३१ हजार भन्दा बढी घर डुवानमा परेपछि सरकार संकटकाल लगाएर भएपनि उद्दारमा जुट्न खोजेको हो ।
बाढीले कोशी ब्यारेजका केही ढोका भारतले खोले पनि खतराको संकेत अझै हटेको छैन । यस्तै राजमार्गहरु पनि पहिरो तथा बाढीले बन्द छन ।
बाढीपहिरो पछिको उद्दार र राहत तथा विस्थापितहरुको उचित बसोवास र खानपानको ब्यवस्था मिलाउन सवैतिर चासो पनि बढ्दै गएको छ ।
तस्विर– राजेश झाको फेसबुकबाट
