काठमाडौं, असोज २८ । प्रधानमन्त्री शेरबहादुर देउवाले मन्त्रीपरिषद् बिस्तार गरेको र त्यसले आचारसंहिता उल्लघंन भएको विषयमा राष्ट्रपति विद्यादेवी भण्डारीले परामर्श थाल्नुभएको छ ।
आन्तरिक छलफल गरेपछि निर्वाचन आयोगका पदाधिकारीहरु परामर्श दिन शितल निवास पुगेका थिए । मन्त्रीपरिषद् बिस्तार र आचारसंहिताबारे बिहान आयोगमा छलफल गरेपछि प्रमुख निर्वाचन आयुक्त अयोधीप्रसाद यादव सहित आयुक्तहरु शितल निवास पुगेका हुन्।
उनीहरुले आचारसंहिता उल्लघंन भएको भन्दै शपथ गराउने वा नगराउने बिषय राष्ट्रपतिकै भएको सुझाव दिए । राष्ट्रपतिले कानूनविदहरुसँग पनि छलफल गर्नुभएको छ।
मन्त्रीहरु थप गर्ने प्रधानमन्त्रीको पत्र शुक्रवार राती अवेर राष्ट्रपति कार्यालय पठाइएको थियो ।
