चिनियाँ कम्युनिष्ट पार्टीको महाधिवेशन शुरु

काठमाडौ । कार्तिक २ । प्रत्येक पाँच वर्षमा हुने चिनियाँ कम्युनिष्ट पार्टीको महाधिवेशन शुरु भएको छ ।

बेइजिङ्गको ग्रेट हल अफ द पिपुलमा शुरु भएको महाधिवेशनको उदघाटन गर्दै राष्ट्रपति तथा चिनिया कम्यूनिष्ट पार्टीका महासचिव सी जिनपिङ्गले २०५० सम्ममा चीनलाई नयाँ युगका लागि आफ्नै विशेषता भएको आधुनिक समाजवादी मुलुकका रुपमा विकसित गर्ने घोषणा गर्नुभयो ।

राष्ट्रपति सीले राष्ट्रिय पुनर्जागरणको चिनिया सपना पुर्ण गर्ने अभियानमा जुट्न सबैलाई आहृवान समेत गर्नुभयो ।

महाधिवेशनमा राष्ट्रपति सिले आफनो पाँच वर्षे कार्यकालको प्रगति विवरण समेत प्रस्तुत गर्नुभएको छ । यो महाधिवेशनले सीले भ्रष्टाचार नियन्त्रण गर्न गरेको भूमिकाको सम्मान गर्ने र उहाँलाई पाँच बर्षको अर्को कार्यकालका लागि समेत अनुमोदन गर्ने अन्तराष्ट्रिय समाचार एजेन्सीहरुले उल्लेख गरेका छन् । सि सन २०१२ मा राष्ट्रपतिमा चयन हुनु भएको थियो ।

त्यस्तै महाधिवेशनले पार्टीको नीती र पोलिटब्यूरो तथा स्थायी कमिटीका सदस्यहरुको पनि चयन गर्नेछ ।

एक साता सम्म चल्ने सम्मेलनमा दुइ हजार भन्दा बढि प्रतिनिधि सहभागी छन् । सम्मेलनका लागि राजधानी बेइजिङलाई भव्य रुपमा सिंगारिएको छ भने उच्च सुरक्षा सतर्कता अपनाइएको छ ।

Comments

comments

प्रतिक्रिया दिनुहोस्

This site uses Akismet to reduce spam. Learn how your comment data is processed.