बुटवल । कार्तिक ६ । भुकम्प पिडितले तीनबर्षदेखि कष्टपुर्ण जीवन बिताइरहेका बेला राष्ट्रिय पुनर्निर्माण प्राधिकरण राजनीतिक स्वार्थको केन्द्र बन्दै गएको छ ।
एमाले सरकारले नियुक्त गरेका सुशील ज्ञवालीलाई सरकार परिवर्तन हुँनासाथ हटाएको काँग्रेस सरकारले फेरि अहिलेका सिइओ गोविन्द पोखरेललाई चुनाव लड्न पठाउने गरि राजिनामा स्वीकृत गरेर अर्का काँग्रेसीलाई सिइओ बनाएको हो ।
मन्त्रिपरिषदको सोमवारको बैठकले राष्ट्रिय पुनर्निर्माण प्राधिकरणका प्रमुख कार्यकारी अधिकृत (सिइओ) गोविन्दराज पोखरेलको राजिनामा स्विकृत गरेको छ । नेपाली कांग्रेसबाट प्युठानमा प्रतिनिधिसभाको चुनाव लड्न राजीनामा दिएका पोखरेलको ठाँउमा युवराज भुसाल नियुक्त भएका छन्।
अव म राजीनामा दिएर चुनाव लड्न जाने तयारी छु–पोखरेलले दुइ महिना अघि नै मतपत्र नेपालँसग भनेका थिए । त्यही तयारी गरेपछि उनले आइतवार प्रधानमन्त्री शेरबहादुर देउवासमक्ष राजीनामा दिएका थिए।
सोमबारको मन्त्रिपरिषद् बैठकले भुसाललाई प्राधिकरणको सिइओमा नियुक्त गरेको सरकारका प्रवक्ता एवं सुचना तथा सञ्चार मन्त्री मोहनबहादुर बस्नेतले जानकारी दिए ।
सरकारको सचिव भैसकेका भुसाल कांग्रेस बरिष्ठ नेता रामचन्द्र पौडेलका सम्धि हुन् । उनी गुल्मीका हुन् ।
