काठमाडौ । मंसिर ३ । हृदयघातबाट निधन भएका माओवादी केन्द्रका अध्यक्ष पुष्पकमल दाहालका छोरा स्वर्गीय प्रकाश दाहालको आइतवार साँझ ४ बजेपछि पशुपति आर्यघाटमा अन्तिम संस्कार गरिने भएको छ ।
त्यसअघि ४ बजेसम्म श्रदान्जलीका लागि पार्टी कार्यालय पेरिसडाडा लगिने माओवादी केन्द्रकी प्रवक्ता पम्फा भूसालले जानकारी दिनुभयो ।
छोराको एक्कासी निधन भएपछि भावविह्वल हुँदै नर्भिक अस्पताल पुगेका बुवा तथा अध्यक्ष पुष्पकमल दाहाल र आमा सिता दाहाल तथा प्रकाशकी पत्नी विना पनि अस्पतालमै हुनुहुन्छ ।
राष्ट्रपति विद्यादेवी भण्डारीले पनि लाजिम्पाट स्थित निवास पुगेर पुष्पकमल दाहाललाई भेटेर समवेदना दिनुभएको छ ।
प्रकाश दाहालको निधनपछि विभिन्न राजनीतिक दलका नेताहरु पनि अस्पताल परिसर पुगेका छन् । यस्तै सञ्चारकर्मी र शुभेच्छुकहरुको पनि अस्पताल परिसरमा बाक्लो उपस्थिति छ । अस्पताल परिसरमा बाक्लो मात्रामा सुरक्षाकर्मी परिचालन गरिएको छ ।
यसैवीच वामगठन्धनले आज चितवनका ३ वटै क्षेत्रमा तय गरेको चुनावी सभाहरु स्थगित गरेको छ । पाँच गतेका लागि भरतपुरमा तय गरिएको वृहद सभा समेत स्थगित गरिएको वाम गठबन्धनले जनाएको छ ।
यस्तै लोकतान्त्रिक गठबन्धनले समेत चितवनकै ३ नम्वर क्षेत्रमा आज हुने सवै चुनावी गतिविधिहरु स्थगन गरेको छ । चितवन ३ माओवादी केन्द्रका अध्यक्ष पुष्पकमल दाहाल उम्मेदवार बनेको क्षेत्र हो ।
