काठमाडौ । मंसिर २१ । प्रदेश र प्रतिनिधिसभाको पहिलो चरणमा मतदान भएका जिल्लाहरुमा मतगणना शुरु भएको छ ।
दोश्रो चरणको मतदानको समय साँझ पाँच बजे सकिनासाथ पहिलो चरणमा मतदान भएका ३२ जिल्लाका ३७ क्षेत्रको मतगणना शुरु भएको हो ।
हुम्ला,ओखलढुङ्गा, भोजपुर,जुम्ला, रसुवा, पाँचथर, धादिङ, ताप्लेजुङमा अहिले मतगणना भैरहेको छ ।
विहिवार भएको मतदानको गणना भने मतपेटिका गणनास्थलमा ल्याएपछि शुरु गरिने निर्वाचन आयोगले जनाएको छ ।
मतगणनालाई व्यवस्थित र सुरक्षित राख्न अधिकांश स्थानमा सिसि क्यामेरा जडान गरिएको छ भने तारबार समेत लगाइएको छ ।
