बुटवल । माघ १०। हिउदे सिजनमा बुधवार बिहानदेखि नै देशमा पश्चिमी र मध्य क्षेत्रमा सामान्य बर्षा शुरु भएको छ ।
पश्चिमी वायुको प्रभावसँगै मौसम बदली भएको जल तथा मौसम पूर्वानुमान महाशाखाले जनाएको छ ।
सामान्य बर्षासँगै काठमाडौ उपत्यकाको न्यूनतम तापक्रम सात दशमलब तीन डिग्री सेल्सियस पुगेको छ । सबैभन्दा चिसो डडेलधुरामा माइनस शून्य दशमलब १ डिग्री सेल्सियस तापक्रम मापन भएको छ भने उच्च हिमाली क्षेत्रमा हिउँ परेको महाशाखाले जनाएको छ ।
बिहानबाट शुरु भएको बर्षा देशको पश्चिम र मध्यभाग हुँदै दिउँसो पूर्वी तराई तर्फ सर्ने जल तथा मौसम पूर्वानुमान महाशाखाले जनाएको छ
उता हिमाली र उच्च पहाडी जिल्लामा हिमपात परेपछि जनजीवन कष्टकर भएको छ ।
हिमपातसँगै चलेको हावाले मनाङ सदरमुकाम चामेसँगै उपल्लो मनाङको जनजीवन प्रभावित भएको प्रमुख जिल्ला अधिकारी हरिप्रसाद पन्थले जानकारी दिनु भयो ।
