बुटवल । बैशाख ३१ । गएराती हावाहुरीसंगै आएको बर्षाका कारण देशका बिभिन्न भागमा जनधनको क्षति भएको छ । बाढी पहिरोले राजमार्ग पनि अवरुद्द भएको छ । बर्षासँगै रामेछापको मन्थली नगरपालिका १ रणजोर खोलामा बाढी आउँदा एक युवतीलाइ बगाएको छ । बाढीले बगाएर बेपत्ता युवतीको खोजीकार्य भइरहेको प्रहरीले जनाएको छ। अन्य १५ जनालाई स्थानीय र प्रहरीले उद्दार गरिएको छ। ती मध्ये ९ जनालाइ उपचारका लागि काठमाडौै पुर्याइएको छ । मन्थलीका कैयौ घर र बसपार्क आसपासका सडकमा पार्किङ गरिएका दुई दर्जन भन्दाबढी सवारी साधन आधा भन्दाधेरै पुरिएका छन ।
यता बाढीपहिरो र सिद्दार्थ राजमार्गको बुटवल नजिकै खण्डमा पहिरो जाँदा सडक अवरुद्द भएको छ । गएरातीको पहिरोले राजमार्गको तानसेन बुटवल सडक खण्डको हेडबक्स नजिकै नजिकै पहिरो जाँदा बाटो अवरुद्द भएको हो ।
पहिरो पन्छाएर सडक खोल्ने प्रयास भैरहेको दोभान प्रहरी चौकीले जनाएको छ। राजमार्ग अवरुद्द हुँदा बुटवल भैरहवाबाट पाल्पा, स्याङजा, गुल्मी, अर्घाखाँची, बाग्लुङ,पोखरा जानेआउने सवारीसाधन र यात्रु बाटोमै अलपत्र परेका छन्।
त्यस्तै वर्षासँगैको हावाहुरीले रुपन्देहीको सिद्दार्थ नगरपालिका पिपरियाका सोराती हरिजनको घरमा क्षति भएको छ। रुख ढलेर उनको १ तले घर भत्केको प्रहरीले जनाएको छ।
रुपन्देहीकै मायादेवी गाउँपालिका ८ मा रुख ढलेर सडक अवरुद्ध भएको छ। अवरुद्ध सडक पन्छाउने काम भइरहेको प्रहरीले जनाएको छ।
उता वर्षासँगै परेको चट्याङ लागेर पर्वतको बिहादी गाउँपालिका–१ बाच्छाका ८ घरमा क्षति पुगेको छ। चट्याङले चोला नेपालीका छोरा ६ महिने चित्रबहादुर घाइते भएका छन्।
यस्तै वर्षापछिको हावाहुरीले दाङको राजपुर गाउँपालिका संगुवामा रहेको प्रहरी चौकीको भवन भत्किएको छ। बाँके र बर्दियाका विभिन्न भागमा पनि बाढीले डुबानमा परेको प्रहरीले जनाएको छ।
काभ्रेको रोसी गाँउपालिकाको माम्ती खोलामा आएको बाढीले पनि त्यसक्षेत्रको जनजीवन प्रभावित भएको गृहमन्त्रालयले जनाएको छ। तस्वीर,सिद्दवावा नजिकै खसेको पहिरो र अलपत्र यात्रु ।