काठमाडौ । जेठ १५ । अर्थमन्त्री युवराज खतिवडाले बजेट मार्फत पाँच बर्षभित्र सबै नेपालीले माग बमोजिमको बिजुली पाउँने बताउनुभएको छ । उहाँले भन्नुभयो,तीन बर्षभित्र सबैघर उज्यालो बनाइने छ । बुढि गण्डकीको मुअब्जा बितरण गरि निर्माण थालिने छ । पश्चिम सेती नेपाली श्रोतबाट बनाइनेछ । जनताको लगानीमा ३ हजार मेगावाट सम्मको बिद्युत आयोजना बनाइनेछ ।पाँच बर्षभित्र केरुङसम्म प्रशारण लाइन विस्तारण गरिनेछ । ग्रामिण विद्युतीकरणकालागि ५ अर्ब बजेट छुट्टाइएको छ । साना जलबिद्युत र नविकरणीय उर्जालाई अनुदान दिइनेछ । उर्जा क्षेत्रकालागि ८३ अर्व ८९ करोड छुट्टाइएको छ ।
खरका घरलाई टिनका छानाको ब्यवस्था गरिनेछ । सुकुम्वासी समस्या समाधान गरिनेछ । संघीय संसद भवन बनाइनेछ । हरित शहर र स्मार्ट सिटी निर्माण गरिनेछ । बुटवलमा अन्तराष्टिय सम्मेलन केन्द्र बनाउने कामका लागि बजेट राखिएको छ । बागमतीका नदीहरुलाई ढल फोहर रहित बनाइने छ । शहरी विकासकालागि ३३ अर्ब ३७ करोड छुट्टाइएको छ । झापा देखि डडेलधुरासम्मको मदन भण्डारी राजमार्गकालागि ४ अर्व छुट्टाइएको छ । सडक र राजमार्गको स्तरोन्नती गरिनेछ ।नौविसे तथा टोखा एव सिद्वावा खण्ड लगायतका क्षेत्रमा सुरुङ मार्ग निर्माण शुरु गरिनेछ । पुलहरु निर्माण गरिनेछ । रेलमार्गको डिपिआर तयार गरि काम थालिनेछ । काठमाडौमा मोनो रेलको अध्ययन गरि निर्माण शुरु गरिनेछ । यातायात पुर्वधारमा १ खर्व ९ अर्व रकम बिनियोजन गरिएको छ ।
