रुपन्देही , २ साउन
रुपन्देहीको तिलोत्तमामा रहेका बुद्धका मूर्तिहरु तोडफोड गरिएको छ । बुटबलदेखि तिनकिलो मिटरको दुरीमा सिद्धार्थ राजमार्ग अन्तर्गत तिलोत्तमामा सडकमा राखिएका ५ वटा मूर्तिहरु तोडफोड गरिएको हो ।
अज्ञात समूहले शंकरनगरदेखी नयाँमिलसम्मको बुद्धको मूर्तिहरु तोडफोड गरेको तिलोत्तमा नगरपालिकाका मेयर वासुदेव घिमिरेले बताए । नेपाल सरकारले घोषँणा गरेको भ्रमण बर्ष सफल बनाउन बुद्धको जन्मभुमी लुम्बिनी जाने बाटोमा बुद्धको मूर्तिहरु राखिएको थियो । अराजक समूहले बुद्धको मूर्तिहरु तोडफोड गरेको मेयर घिमिरेले बताए ।
नगरपालिकाले योगीगुठीबाट भलबाडीसम्मको सडकमा २२ वटा बुद्धको मूर्ति बैशाखमा बुद्ध पुर्णिमाकै दिन राखिएको थियो । बुद्धको मूर्तिहरु तोडफोडको घटनामा प्रहरीले अनुसन्धान सुरु गरेको र घटना अपराधिक मानसिकताले गरिएकोले घटनामा संलग्नहरुको खोजी कार्य्तिब्र पारिएको इलाका प्रहरी कार्यालय बुटवलका प्रमुख प्रहरी ले बताएको छ । यसै विच तिलोत्तमा नगरपालिका को आकस्मीक बसेको बैठकले निर्णय गरेको छ । तिलोत्तमा नगरपालिकाको कामबाट अत्तालिएको विकास विरोधी तत्वबाट नियोजित र संगठित रुपमा घटना गराइएको ठहर गरेको छ .
यसै विच तिलोत्तमा नगरपालिका को आकस्मीक बसेको बैठकले तिलोत्तमा नगरपालिकाले जारी गरेको विज्ञप्तीमा भनिएको छ . २०७६ साउन २ गते आकश्मिक रुपमा बसेको नगर कार्यपालिकाको बैठकले घटनाको निन्दा गर्दै तिलोत्तमा नगरपालिकाको कामबाट अत्तालिएको विकास विरोधी तत्वबाट नियोजित र संगठित रुपमा घटना गराइएको ठहर गरेको छ । राष्ट्रकैं गहनामाथि गरिएको यस प्रकारको जघन्य अपराधले हामी सबैको आस्था र विश्वासमा ठेस पुर्याएको छ विज्ञप्तीमा भनिएको छ । लुम्बिनीको महत्वलाई उजागर गर्दै पर्यटन प्रवद्र्धनमा टेवा पुर्याउने पवित्र उद्देश्यका साथ नगरपालिकाले प्रदेश सरकारले घोषणा गरेको लुम्बिनी भ्रमण वर्षलाई समेत सघाउने गरी २०७६ वैशाख १ गतेबाट सिक्सलेन सडकमा बुद्धमूर्ति राख्न सुरु गरेको थियो ।
पहिलो चरणमा योगिकुटीबाट शंकरपुरसम्म २२ वटा मुर्ति राखिएकोमा यो वर्ष नगरपालिकाको सिक्सलेन अन्तिम बिन्दु कोटिहवासम्म बुद्धमुर्ति राख्ने हामीहरुको योजना बनाएको जनाउदै विज्ञप्तीमा नवीन सोंच र पवित्र उद्देश्यका साथ सुरु गरिएको यो कार्यमा सबैको साथ–समर्थन प्राप्त भैरहँदा उत्साहित भएका हामीहरु एक्कासी गराइएको यो घटनाबाट निकै स्तब्ध भएको बताएको छ । पवित्र कार्यलाई बिथोल्ने, महामानवको मूर्ति तोडफोड गर्ने व्यक्ति, समूहलाई कानुनी दायरमा लिई कडाभन्दा कडा कारवाही गर्न प्रहरी÷प्रशासन समक्ष जोडदार माग गर्दै यो कार्यमा सघाउन नेपाल सरकार, प्रदेश सरकार र सम्पूर्ण नेपाली आमाबुबा, दाजुभाई तथा दिदीबहिनीलाई हार्दिक आह्वान गरेको छ नगरपालिकाले घटनाको बारेमा प्रहरी÷प्रशासनलाई जानकारी गराइएको र तोडफोडमा संग्लनहरुको खोजी कार्य तीव्र पारिएको जानकारी प्रहरी÷प्रशासनबाट गराइएको व्यहोरा सम्बद्ध सबैमा अनुरोध छ । यो घटनापछि कोटिहवासम्म बुद्धमुर्ति राख्ने तिलोत्तमा नगरपालिकाको योजनामा कुनै बदलाव नआउने र बुद्धमुर्तिको सुरक्षाका लागि विशेष व्यवस्था मिलाइने जानकारी गराउने पनि बताएको छ ।
सार्वजनिक सम्पत्तिलाई हानी–नोक्सानी पुर्याउने, समाजमा डर–त्रास उत्पन्न गराउने, कानुन हातमा लिने, अवाञ्छित क्रियाकलाप गर्न उक्साउने अराजक प्रवृत्तिका विरुद्ध आमनगरबासी महानुभावहरुलाई सधैं सचेत रहन आह्वान गरेको छ।
