बुटवल भाद्र १३
रेसुङ्गा भुवनपानी रुपन्देही सम्पर्क समाज, बुटवलले बाबुको मुख हेर्ने दिन अर्थात् कुशे औंसिको अवसरमा शुक्रबार बुटवलको मैनावगरमा रहेको श्री सिद्धबाबा दुर्गा भवानी शिव कुमारी सैंजु वृद्धाश्रममा रहेका वृद्धवृद्धाहरुलाई आदर सम्मान प्रकट गरेको छ ।
समाजले विभिन्न स्थानमा घर भई उक्त आश्रममा बस्दै आउनुभएका नौ जना वृद्धवृद्धाहरुलाई चामल, दाल, घिउ, नुन, चिनी लगायतका विभिन्न किसिमका खाद्य समाग्री प्रदान गर्नुका साथै संस्थाको तर्फबाट आश्रममा रहेका वृद्धवृद्धाहरुलाइ दक्षीणा समेत प्रदान गर्नुका साथै आश्रममा रहेका वृद्धवृद्धाहरुलाई तिजको दरको रुपमा खुवाउने परिकार खिर समेत खुवाएको समाजका अध्यक्ष ऋषिराम खनालले जानकारी गराए ।
तिजको नाममा अनेकन विकृतिहरु फैलिरहेको अवस्थामा समाजमा केही पृथक कार्य गुर्नपर्ने बताउँदै समाजका सचिव प्रेम प्रसाद खनालले होटल तथा रेष्टुरामा दर खानुको सट्टा आफ्नै सन्तानहरुबाट अपहेलित वृद्धवृद्धाहरुलाई केही सेवा गर्न सक्नु पर्ने बताए ।
सम्मान कार्यक्रममा समाजका सल्लाहकार पुण्यप्रसाद खनाल, देवराज खनाल सदस्य चिन्तामणि खनाल र शोभाखर खनालले समेत आफ्नो व्यक्तिगत तर्फबाट समेत वृद्धावृद्धाहरुलाई सम्मान गरी कार्यक्रममा थप हौसला प्रदान गरेको समाजका सदस्य मेघप्रसाद खनालले बताए ।
