बुटवल, पुस २३ । उद्योग वाणिज्य संघ सैनामैनाको आयोजनामा मुर्गीयामा सञ्चालन
हुने व्यापार मेलाको तयारी पूरा भएको छ । मेलाको आज (पुस २४ गते विहिबार)
एक समारोहका बीच उद्घाटन गरिँदै छ ।
सैनामैनालाई बुद्धकालीन ऐतिहासिक तथा प्राचिन सहर मानिन्छ । मेला महोत्सवमार्फत
सैनामैनाको बुद्धकालीन सभ्यतालाई उजागार गर्ने आयोजकको लक्ष्य छ ।
मेलाको पूर्वसन्ध्यामा मेला स्थल मुर्गियाको रंगशालामा पत्रकार सम्मेलन गर्दै
आयोजकले मेलाको तयारी पूरा भएको बताएका छन् । यद्यपि मनसुनको खराबीसंगै
निरन्तर पानी परेको र चिसो पनि बढेका कारणले तयारीमा बाधा उत्पन्न भएको
देखिन्छ । यसका बाबजुत पनि आयोजकहरु दिनरात काममा खटिएका छन् ।
पुस २४ गतेदेखि माघ ६ गतेसम्म सञ्चालन हुने मेलामा दुई लाख ५० हजार दर्शकलाई
अवलोकन गराउने र पाँच करोडको आर्थिक कारोबार हुने लक्ष्य राखिएको छ ।
मेलाको उद्घाटन सैनामैना नगरपालिका प्रमुख चित्रबहादुर कार्कीले गर्ने कार्यक्रम
रहेको छ ।
मेलामा स्थानीय कृषि उत्पादन, हस्तकला र पर्यटन प्रवर्द्धनलाई प्राथमिकता दिइएको
संघका अध्यक्ष राजबहादुर क्षेत्रीेले बताए । उनले सैनामैनामा कृषि, पर्यटन र
उद्योगको सम्भावना धेरै रहेको भन्दै सबैको सहकार्यमा त्यसलाई साकार पारिने बताए
।
व्यापार मेलाले स्थानीयस्तरमा उद्यमशीलता विकास, ब्यापार विविधीकरण र सैनामैनालाई
राष्ट्रियस्तरमा पहिचान दिलाई पर्यटन प्रवर्द्धनमा टेवा पु¥याउने अध्यक्ष क्षेत्रीको
भनाइ छ ।
मेलाको प्रवेश टिकट बिक्रीबाट प्रति टिकट एक रुपैयाँ सामाजिक कार्यमा खर्च गरिने र
मेलालाई सफल बनाउनका लागि स्थानीय सरकारदेखि यहाँका सामाजिक संघ संस्था र
नागरिक समाजले सहकार्य गरिरहेको मेला मूल आयोजक समितिका सदस्य सचिव तथा संघका
महासचिव दीपक अधिकारीले जानकारी दिए ।
पर्यटनलाई प्राथमिकता
यसैबीच सैनामैना महोत्सव तथा औद्योगिक व्यापार मेलामा पर्यटन प्रबद्र्धनलाई
प्राथमिकतामा राखिएको छ । मेला स्थलमा पर्यटनको विशेष पेभेलियनसमेत राखिएको
आयोजकले बताएका छन् ।
सैनामैनामा बौद्धकालिन सभ्यता संग जोडिएको ठुलो राजा कुंवा, रानिकुंवा,
ऐतिहासिक स्थल सैनामैना १ बनकट्टामा रहेको छ । त्यस ठाउँमा अहिले बौद्धकालिन
चिजहरु रहेका छन् । र बौद्धकालिन बस्तुहरु संरक्षणका लागि संग्रहलय निर्माण गर्न
नगरपालिकाले पहल गरेको छ । सोहि कुरालाई मध्यनजर गर्दै महोत्सवमा लुम्बिनी र
सैनामैना संग जोडिएर रहेको बौद्धकालिन सभ्यता तथा ऐतिहासिक स्थलहरुको प्रर्वद्धनका
लागि बौद्धकालिन सभ्यताको पार्क निर्माण गरिने आयोजकको भनाई छ ।
हारियाली चुरे पहाड, समथर तराई, हरिया र जडिबुटीयुक्त वन जंगल, नदी नाला,
सिमसार, प्रस्तावित जलाशययुक्त लामी रहदेखि खुला संग्रहालय यहाँका खास पर्यटनक
आधार मानिन्छन् । मेलामा यीनै क्षेत्रको पहिचान झल्किनेगरी विशेष स्थल बनाइएको
छ । सैनामैनालाई बुद्धकालीन सभ्यताका रुपमा नगरपालिकाले पनि विशेष कार्यक्रम बनाएर
अगाडि बढेको छ । नगरपालिकाको कार्यक्रममै यहाँका संघ संस्था र निजी क्षेत्रले पनि
सहकार्य गरेको संघका उपाध्यक्ष रिमबहादुर श्रेष्ठले जानकारी दिए ।
८पाँच करोड कारोबारको लक्ष्य, दुई सय २० स्टल रहने, हस्तकललाई प्राथमिकता८
मेलामा २२० ओट स्टल रहने आयोजकले जानएको छ । यस पटकको महोत्सबमा करिब
दुई लाख ५० हजार दर्शकले अवलोकन गर्ने र पाँच करोड बराबरको करोबार गर्ने लक्ष्य
रहेको सैनामैना उद्योग बाणिज्य संघका अध्यक्ष क्षेत्रीको भनाई छ ।
‘आर्थिक विकासका राष्ट्रिय आधार, कृषि पर्यटन उद्योग र व्यापार’ भन्ने मुल नाराका
साथ चौथो राष्ट्रिय सैनामैना कृषि, पर्यटन तथा औधोगिक व्यापार महोत्सव
सैनामैना ४ मुर्गिया स्थित निर्माणाधिन बहुउद्देश्यीय रंगशालामा संचालन हुने छ ।
मेलामा कृषिसंग सम्बन्धित स्टलहरुका लागि भने विशेष सहुलियत दिइएको छ । स्थानीय
कृषि उत्पादनको प्रदर्शनीका लागि छुटमा स्टलको व्यवस्था मिलाइएको आयोजकले
बताएका छन् । मेला प्रवेशका लागि साधारण टिकट रु ५० रुपैयाँको रहेको छ ।
विद्यार्थीका लागि छुटको ब्यवस्था गरिएको छ । त्यस्तै अपाङ्ग र असक्तलाई निशुल्क
प्रवेशको व्यवस्था मिलाइएको छ । टिकटवापतको प्रति टिकट एक रुपैयाँ रकमलाई मेला
आयोजकले सामाजिक कार्यमा लगाउने यसअघि नै प्रतिबद्धता जनाएका छन् ।
८स्थानीय प्रतिभालाई विशेष प्राथमिकता, खेलकुद र रक्तदान पनि गरिने८
मेलामा स्थानीय प्रतिभालाई प्रष्फुटन गर्नेगरी विशेष व्यवस्था मिलाइएको छ ।
लोकगित तथा नृत्यदेखि विभिन्न किसिमका प्रतियोगिताहरुको सञ्चालन गरिने छ । यस्ता
सांस्कृतिक प्रतियोगितामा विविधता राखिने भएको छ । बालबालिका देखि मम्मी डान्स र
खेलकुदका विशेष प्रतियोगिताहरु मेलामा सञ्चालन गरिने छ । राष्ट्रिय तथा स्थानीय
कलाकारहरुको प्रस्तुति मुख्य आकर्षणका रुपमा रहने संस्कृतिक संयोजक हिमाल गैरेले
बताए ।
विशेष झाँकीसहितको जनचेतना ¥याली
मेलाको पूर्वसन्ध्यामा आज बिहीबार मुर्गियामा विशेष झाँकीसहितको जनचेतना
¥याली निकालिने भएको छ । उक्त जनचेतना ¥याली व्यवस्थापन समितिका संयोजक
चामबहादुर क्षेत्रीका अनुसार सैनामैनाका सबै समुदाय, जातजाति र भाषाभाषिलाई
झल्को दिनेगरी सद्भाव कायम गराउने जनचेतनामूलक ¥याली निकालिने छ
