बुटवल । नेपाल पत्रकार महासंघका अध्यक्ष गोबिन्द आर्चायले सञ्चार क्षेत्रमा संघीयता आउन नसक्दा अझै पनि समस्या ग्रस्त रहेको बताउनु भएको छ । संघीयताको ठिक ढँगले प्रयोग नभएको बताउँदै उहाँले अझै पनि केन्द्रिकृत व्यवस्थाको भर सञ्चार क्षेत्रले पर्नु परेको गुनासो गर्नु भयो । संविधानमा व्यबस्था गरिएका कुरालाई समेत प्रदेश स्तरमा कार्यान्वयन हुन नसकेकाले सञ्चार क्षेत्रमा संघीयता आउन नसकेको उहाँको विश्लेषण छ । नेपाल पत्रकार महासंघ ५ नं. प्रदेश समितिले बुटवलमा आयोजना गरेको प्रेस स्वतन्त्रता र पत्रकार सुरक्षा बिषयक अन्तरक्रिया कार्यक्रममा बोल्दै उनले पत्रकारले पाउने प्रेस पास, लोककल्याणकारी बिज्ञापन, पत्रपत्रिकाको वर्गीकरण, दर्ता नविकरणसहित धेरै कुराहरु केन्द्रिकृत अवस्थामै रहेकाले सञ्चार क्षेत्रले संघीयताको अनुभूति गर्न नपाएको उल्लेख गर्नु भयोे ।
आलोचनात्मक विश्लेषणलाई नेताहरुले पचाउन नसकेकै कारण प्रेस स्वतन्त्रताको नीतिगत र कानुनी रुपमै बन्देज लगाउन नहुने उहाको भनाइ थियो । अध्यक्ष आचार्यले पत्रकारिताको आवरणमा अपराधिक गतिबिधी गर्नेहरुलाई छानविन गरि कारबाही गर्नुपर्नेमा जोड दिँदै त्यस्ता घटना भेटिए बाहिर ल्याउन आग्रह गर्नु भयो। पत्रकारले पुष्टि नभएका विषयलाई सामाजिक सञ्जालमा लेख्न नपाईने बताउँदै उनले श्रमजीवि पत्रकारहरुको पारिश्रमिक समयमा उपलब्ध नगराउने सञ्चार माध्यमलाई बन्द गराएर भएपनि त्यसको असुलउपर गराउने चेतावनी दिए ।
त्यस अवसरमा पूर्व सांसद तथा नेपाल पत्रकार महासंघ रुपन्देहीका पूर्व अध्यक्ष बिनोद पहाडीले सरकार मिडियाप्रति अनुदार बन्दै गएको बताउनु भयो । एउटा सूर्ति उद्योग दर्ता गर्दा कुल पूँजीको १ प्रतिशत र एउटा टेलिभिजन दर्ता गर्दा १० लाख रुपैंया लिने व्यबस्थाले सरकार मिडियामैत्री नभएको दावी गर्नु भयो । त्यस्तै महासंघका पूर्व अध्यक्ष बालकृष्ण चापागाईले पत्रकारिताको आवरणमा गरिने गैरपत्रकारिताका कारण पत्रकारलाई हेर्ने सामाजिक मनोविज्ञान नै बदलिएको बताउनु भयो । महासंघका पूर्व अध्यक्ष हरि लम्सालले सरकारको स्प्रष्ट नीतिको अभावका कारण पत्रकारिता सेल्फसेन्सरशिपमा चलिरहेको उल्लेख गर्नु भयो । पूर्व अध्यक्षहरु डिआर घिमिरे, मोहन चापागाई, दिपक ज्ञवाली, सेरबहादुर केसी, महासंघका केन्द्रीय सदस्य बसन्त गिरी, महासंघ रुपन्देहीका अध्यक्ष यानेन्द्र जिसी, कपिलबस्तु महासंघका अध्यक्ष डिलाराम भुसाल, नवलपरासी अध्यक्ष हरि शर्मा, प्रेस युनियन रुपन्देहीकी अध्यक्ष रेखा भुसाल, पत्रकार बिष्णु घिमिरे, माधव न्यौपाने, नरेश केसी, बिपी गौतम लगायतले पत्रकारहरुले सामाजिक सञ्जालमा महासंघको आचारसंहिता विपरित हुनेगरी गर्ने टिकाटिप्पणीले सिँगो पत्रकारिताको मानमर्दन गरेको उल्लेख गर्नु भएको थियो । उहाँ हरुले पत्रकारीतामा जवाफ देहिता हुन जरुरी रहो पनि बताउनु भयो ।
नेपाल पत्रकार महासंघ प्रदेश पाँचका उपाध्यक्ष भरत केसीको अध्यक्षतामा भएको हो ।
