कोरोनाबाट विश्वमा डेढलाख भन्दाबढीको मृत्यु, संक्रमितको संख्या २२ लाख नाघ्यो

 

कोरोना भाइरस संक्रमणबाट अमेरिकामा पछिल्लो २४ घण्टा अर्थात एकैदिन ४५ सय ९१ जनाको मृत्यु भएको छ । यो कोरोना संक्रमण शुरु भएयता एकैदिन ज्यान गुमाउनेको सबैभन्दा धेरै संख्या हो ।
कोरोनाबाट अहिलेसम्म अमेरिका सबैभन्दा धेरै प्रभावित बनेको छ । त्यहाँ करिव सात लाख जनामा संक्रमण पुष्टि भएको छ । अमेरिकामा मात्रै मृत्यु हुनेको संख्या ३६ हजार सात सय पुगेको अन्तराष्ट्रिय सञ्चार माध्यम बीबीसीले जनाएको छ ।

कोरोना संक्रमणबाट अहिलेसम्म विश्वभर २२ लाख ४० हजार संक्रमित देखिएका छन् । एक लाख ५४ हजारको ज्यान गएको छ । ५ लाख ६८ हजार उपचारपछि घर फर्किएका जोन हप्किन्स विश्विद्यालयको पछिल्लो तथ्याङ्कमा उल्लेख छ ।
कोरोना भाइरस संक्रमणबाट स्पेनमा २० हजार जनाको मृत्यु भएको छ । बेलायतमा बिहीबार मात्रै ८ सय ४७ जनाले ज्यान गुमाएका छन् ।

बेलायतमा हालसम्म १४ हजार ५ सय ७६ को ज्यान गइसकेको छ ।
जर्मनीमा भने संक्रमणको दर घट्दै गएको र हालसम्म त्यहाँ ३ हजार ८ सयको मृत्यु भएको छ ।
कोरोना संक्रमण बढेको अमेरिकाका केही राज्यमा भने लकडाउन खोल्न माग गर्दै आन्दोलन भैरहेको छ ।            त्यसमा राष्ट्रपति डोनल्ड ट्रम्पले पनि समर्थन जनाएका छन् । लकडाउनले अर्थतन्त्र अप्ठ्यारोमा पर्न थालेको           राष्ट्रपति ट्रम्पको भनाई छ ।
भारतमा पनि कोरोना भाइरस संक्रमणको दर बढ्दै गएको छ ।

Comments

comments