काठमाडौं । असार ४। लिपुलेक र लिम्पियाधुरा समेटेर तयार गरिएको पूर्णनक्सा सम्वन्धी निसान छाप परिवर्तन गर्नेबारेको राष्ट्रियसभाले पनि नेपालको संविधान दोश्रो संशोधन विधेयक सर्वसम्मतिले पारित गरेको छ ।
बिहीबार भएको मतदानमा ५९ सदस्यीय सभामा तत्काल कायम रहेको ५८ जनामध्ये ५७ जनाले मतदान गरेका थिए। अध्यक्ष गणेश तिमिल्सिनाले भोट नहाल्ने भएकोले सबैले मतदान दिएपछि सर्वसम्मत भएको हो ।
यसअघि जेठ ३१ गते प्रतिनिधिसभाले पनि सर्वसम्मत संविधान संशोधन विधेयक पारित गरेको थियो।
