बुटवल । अचानक हावाहुरी र चट्याङ पर्दा रुपन्देहीमा २ जनाको मृत्यु भएको छ । जेठ १९ सोमबार १०:३० बजेको समयमा जिल्ला रुपन्देही मायादेवी गा.पा.५ बस्ने बर्ष ५३ की कमलावती यादवलाइ चट्याङ लाग्दा उनको घटनास्थलमा नै मृत्यू भएको हो ।
आफ्नै खेतमा काम गरीरहेको अबस्थामा अचानक हावाहुरी आई नजिकै रहेको आँपको रुखको फेदमा बसीरहेको अबस्थामा उनलाई चट्याङ लागेको प्रहरीले जनाएको छ ।
यस्तै सोही समयमा लुम्बिनी साँस्कृतिक नगरपालिका वडा नम्बर २ केवटलिया बस्ने बर्ष ५५ कि चयनमति यादव आफ्नै घरदेखी ५०० मिटर टाढा तरकारी बारीमा गएको बेला अचानक चट्याङ लागी मृत्यु भएको छ । उनलाई अचेत अवस्थामा भतिज नाथुराम यादवले फेला पारी घरमा ल्याएकोमा तत्कालै मृत्यु भएको थियो।
यसैगरि लुम्बिनी साँस्कृतिक नगरपालिका -११ धुपहि बस्ने बर्ष १० को अब्दुल अफिकको पोखरीमा पौडी खेल्ने क्रममा डुबेर मृत्यु भएको छ ।
उनको उपचारको लागि मेडिकल कलेज भैरहवामा लगीएकोमा चिकित्सकले मृत घोषणा गरेको जिल्ला प्रहरी कार्यालय रुपन्देहीका प्रवक्ता खडकबहादुर खत्रीले जानकारी दिनुभयो ।
