काठमाडोै, माघ ३०। मानवअधिकारका क्षेत्रमा कार्यरत विज्ञहरूले राज्यपक्ष नागरिक स्वतन्त्रता नियन्त्रण गर्न झन सक्रिय हुँदै गएको बताएका छन् । ईन्सेक नेपालले शुक्रवार काठमाडोैंमा अायोजना गरेकोएक कार्यक्रममा वक्ताहरूले मानवअधिकार हननका घटनामा वृद्दि भएको बताउँदै मानवअधिकार रक्षकहरूको भुमिका बढेको उल्लेख गरे । राष्ट्रिय मानवअधिकार अायोगका निर्देशक यज्ञ अधिकारीले अन्तराष्ट्रिय जगतमा नेपालको मानवअधिकारको अवस्था खस्केको रिपोर्टहरू अाउन थालेका बताउनुभयो । सरकारले संस्थाहरू गठन गरिदिने तर श्रोत साधन नदिने प्रवृति देखिएको बताउँदै उहाँले अायोगका सिफारिस कार्यान्वयनमा समेत सरकार उदासिन बनेको जानकारी दिनुभयो । मानवअधिकार विज्ञ अच्युत अाचार्यले नागरिक स्वतन्त्रताको हकलाई संविधानले नै ग्यारेन्टी गरेको बताउँदै सरकार भने अनुदार बन्दै गएको बताउनुभयो । उहाँले मानवअधिकार रक्षकहरूले त्यसमा ध्यानदिनुपर्ने बताउनुभयो। सञ्चार फाउण्डेसन नेपालका अध्यक्ष रामकृष्ण भण्डारीले मानवअधिकार रक्षकका रूपमा पत्रकारहरूको भुमिका महत्वपुर्ण रहेको उल्लेख गर्दै सरकारले एकपछि अर्को गर्दै नागरिकको अभिव्यक्ति स्वतन्त्रतामा अंकुश लगाउन खोजेको बताउनुभयो । उहाँले सेल्फसेन्सरशीप प्रेस स्वतन्त्रताका लागि खतरनाक भएको पनि बताउनुभयो ।
