युवा उद्यमी मञ्चद्वारा बुटवल उवासंघको नवनिर्वाचित कार्यसमितिलाई सम्मान

 

बुटवल, २ चैत । युवा उद्यमी मञ्च रुपन्देहीले बुटवल उद्योग बाणिज्य संघमा नवनिर्वाचित कार्यसमितिलाई सम्मान गरेको छ । सोमबार संघको सभाहलमा एक कार्यक्रमको अयोजना गरि नवनिर्वाचित कार्यसमितिलाई सम्मान गर्दै शुभकामना व्यक्त गरेको हो ।
त्यस अवसरमा बोल्दै नवनिर्वाचित अध्यक्ष उज्ज्वलप्रसाद कसजुले युवा उद्यमशिलता बिकासको लागि संघले युवा उद्यमी मञ्चको अवधारणा ल्याएको बताउँदै युवालाई कसरी उद्यमशिल बनाउन सकिन्छ भन्ने गरी युवा उद्यमी मञ्चले कार्यक्रम गर्न सुझाव दिनुभयो । त्यस्ता कार्यक्रममा संघको पूणर् सहयोग सहने पनि उहाँले प्रतिवद्धता व्यक्त गर्नुभयो ।
बुटवल उद्योग बाणिज्य संघमा पूर्व अध्यक्ष सुरेन्द्रप्रसाद श्रेष्ठ अध्यक्ष हुँदा युवा उद्यमी मञ्चको गठन भएको जानकारी गराउँदै मञ्चका अध्यक्ष उमेश अमात्यले १० जना सदस्यबाट सुरु गरिएको युवा उद्यमी मञ्चमा हाल ६६ जना सदस्य रहेको जानकारी गराउनु भयो । उहाँले युवामा उद्यमशिलताको बिकासको लागि बिभिन्न कार्यक्रम सञ्चालन गर्दै आएको बताउँदै संघसंगकै सहकार्यमा नवउद्यमशाला (विजनेश इन्कुवेशन) कार्यक्रम सञ्चालनकै क्रममा रहेको समेत जानकारी गराउनु भयो । त्यस्तैगरी उहाँले मञ्चलाई संघको संस्थापक सदस्यता प्रदान गर्न समेत आग्रह गर्नुभयो ।
त्यस अवसरमा संघका प्रथम उपाध्यक्ष प्रदिप शाक्य, सदस्य अनिस कशौधन लगायतले शुभकामना व्यक्त गर्नुभएको थियो । संघको नवनिर्वाचित कार्यसमितिमा मञ्चका संस्थापक अध्यक्ष आनन्दप्रसाद वझा एशोसियट सदस्यमा र पूर्व अध्यक्ष सुमोदमान सैंजु खुल्ला सदस्यमा निर्वाचित हुनु भएको छ ।

Comments

comments

प्रतिक्रिया दिनुहोस्

This site uses Akismet to reduce spam. Learn how your comment data is processed.