काठमाण्डोै । राष्ट्रिय मानवअधिकार अायोगका कामु सचिव मुरारीप्रसाद खरेलले मानव अधिकारको अवस्था सुदृढ बनाउन राज्य संयन्त्रको भुमिका महत्वपुर्ण हुने बताउनुभएको छ । मानवअधिकार अायोगले सोमबार काठमाण्डोैमा अायोजना गरेको अन्तर्कृयामा कामु सचिव खरेलले मानवअधिकारको कार्यान्वयनमा सरकार जवाफदेही हुनुपर्ने पनि बताउनुभयो । वरिष्ठ अधिवक्ता गोविन्द बन्दीले मानव अधिकार सम्वन्धी कानुन बनाउने,पक्ष राष्ट्रको सदस्य बन्ने तर कार्यान्वयनमा सरकार गम्भीर नबन्ने प्रवृति रहेको बताउनुभयो । युपिअार विज्ञ समुहका सदस्य वासुदेव शर्माले सिफारिसहरूलाई कार्यान्वयन गर्न सरकार बढी जवाफदेही हुनुपर्नेमा जोड दिनुभयो। उहाँले सर्वपक्षीय अनुगमन संयन्त्र हुनुपर्ने पनि बताउनुभयो । यसैगरी मानवअधिकार विज्ञ अच्युत अाचार्यले मानव अधिकार सम्वन्धी थप कानुन बनाउन सरोकारवाला पक्षले राज्यलाई दवाव दिनुपर्ने बताउनुभयो । कार्यक्रममा वक्ताहरूले अात्महत्या निरूत्साहन, तनाव दिने प्रवृति जस्ता बिषयलाई नयाँ कानुन चाहिनेमा जोडदिएका थिए ।
