बुटवल सामुदायिक वनको १५ औं साधारणसभा
बुटवल, पुस २७ । बुटवल सामुदायिक वन उपभोक्ता समूह बुटवल १-२ को १५ औं साधारण
सभा तथा दोस्रो परिषद भेला मंगलबार सम्पन्न भएको छ । परिषद भेलामा बोल्दै डिभिजन वन कार्यालय रुपन्देहीका प्रमुख बोधराज सुवेदीले वन संरक्षण गर्ने दायित्व सबैको रहेको बताए । बुटवल सामुदायिक वन उपभोक्ता समूह बुटवल १-२ का अध्यक्ष महेन्द्र कुमार राजझण्डारीले वन जोगाउन र आगलागीबाट बचाउनु सबैको दायित्व रहेको बताए ।
उनले वनको प्रत्येक वर्ष १ हजार विरुवा रोप्ने गरी अगाडि बढनुपर्ने बताए । नुवाकोट जाने बाटोमा धेरै पहिरो गएकोले त्यस क्षेत्रको व्यवस्थापन गर्नुपर्ने बताए । कार्यक्रममा वनका सल्लाहकार बाबुराम पोखरेल, मणिमुकुन्द सेन उद्यान (फूलबारी) का वनका परिषद सदस्य उर्मिला अर्याल, कृष्ण पोखरेल, टीकाराम पोखरेल, जुद्ध केसी, गौतमलाल शाक्य, मदनकुमार श्रेष्ठ लगायतले बोलेका थिए । अध्यक्ष महेन्द्रकुमार राजभण्डारी, उपाध्यक्ष हिकबहादुर दर्लामीको स्वागत तथा सचिव रञ्जु भटटराईको सञ्चालनमा कार्यक्रम भएको थियो ।
