भवानी माविको भवन उद्घाटन
बुटवल उपमहागरपालिका वडा नं. १८ सौराहामा रहेको भवानी माध्यमिक विद्यालयको दुई कोठे भवनको उद्घाटन गरिएको छ ।
उपमहानगपालिकाका उपप्रमुख गुमादेवी आचार्यले भवनको उद्घाटन गर्दै शिक्षाको गुणस्तर सुधारसँगै विद्यालयको भौंतिक सुधारको लागि नगरले जोड दिएको बताउनु भयो । नगरका सबै सामुदायिक विद्यालयमा समान शिक्षा लागु गर्नको लागि बिज्ञान , कम्प्युटर प्रयोगशाला सञ्चालन गरिएको जानकारी दिनुभयो । विद्यालय ब्यवस्थापन समितिका अध्यक्ष गोपाल नेपालले स्थानीय जनप्रतिनिध आएपछि विद्यालयको भौतिक संरचना निर्माण, शिक्षक तलब र शिक्षाको गुणस्तरमा सुधार आएकोे दाबी गर्दै सिंगो बुटवल,एक विद्यालय अवधारणा लागु भएकाले अब शैक्षिक र भौंतिक रूपमा पक्षि नपर्ने अपेक्षा लिएको बताउनु भयो । विद्यालयका प्रधानध्यापक मञ्जु घिमिरेले सानो झुपडीबाट सुरू भएको विद्यालय अहिले आधुनिक भवन निर्माण गर्र्दै शिक्षा प्रदान गर्दै आएको जानकारी दिनुभयो । राष्ट्रपति शैक्षिक सुधार कार्यक्रम अन्तरगत १८ लाख बजेटमा दुई कोठे भवन निर्माण गरिएको उँहाले बताउनु भयो । शिक्षा शाखाका प्रमुख टिकाराम पन्थीले बुटवल नगरले शिक्षामा विशेष जोड दिँदै सबै विद्यालयको भौंतिक पुर्वाधार तथा शैक्षिक पुर्वाधार सुधारमा जोड दिएको बताउनु भयो । नगरका सबै माध्यमिक विद्यालयमा बिज्ञान प्रयोगशाला र कम्प्युटर ल्याबको स्थापना गरिएको बताउनु भयो । राष्ट्रपति शैक्षिक सुधार कार्यक्रम मार्फत आधारभूत विद्यालयमा पनि कम्प्युटर ल्याब र शैक्षिक सामाग्रीहरु स्थापना गरिएको शिक्षा शाखा प्रमुख पन्थीले बताउनु भयो ।
