नेपाल राष्ट्र बैंक, सिद्धार्थनगर कार्यालयले “मौद्रिक नीतिका ब्यवस्थाहरुको सन्दर्भमा लुम्बिनी प्रदेशका उद्योगी, व्यवसायी तथा सरोकारवालाहरुसंग अन्तरक्रिर्यात्मक गोष्ठी कार्यक्रम सम्पन्न गरेको छ । कार्यक्रममा नेपाल राष्ट्र बैंकका डेपुटी गर्भनर बमबहादुर मिश्रले नेपाल राष्ट्र बैंकले देशको आवश्यकता अनुुसार मौद्रिक नीति जारी गर्ने र मौद्रिक नीतिमा उल्लेखीत नीतिगत ब्यवस्था अनुसार देशमा मौद्रिक तथा वित्तिय ब्यवस्थापन गरिने उल्लेख गर्नुभयो । उहाले हाल ल्याइएको चालु पँुजीकर्जा मार्गदर्शन, २०७९ लाई सरोकारवाला निकायहरुको सल्लाह सुझाव अनुसार ल्याइएको र सो मा समय सापेक्ष परिमार्जन समेत गरिने,बताउदै हाल बिपे्रषण आप्रवाह र विदेशी मुद्रा सञ्चितिमा सुधार हुदै आएको कारण तरलतामा बृद्धी भई ब्याजदरमा कमी हुदै जाने संभावना रहेको,पनि बताउनु भयो ।
गर्भनर मिश्रले साना ऋणीहरुको संरक्षणका लागि नेपाल राष्ट्र बैंकले विभिन्न नीतिहरु बनाउदै लगेकोले डिजिटल भुक्तानी प्रणाली लाई सरोकारवाला सबैको पहल र समन्वयमा बिस्तार गर्दै लैजाने आवश्यकता रहेको बताउनु भयो । उहाले अन्र्तरराष्ट्रिय परिस्थितीको कारण आएको असहज अवस्थालाई सबैको सहयोग र समन्वयमा समाधान गर्नुपर्ने बताउनु भयो । अन्तरक्रिर्या तथा छलफलमा उठेका प्रश्न तथा गुनासोहरुलाई बारेमा डेपुटी गर्भनर मिश्रले उद्यमी ब्यवसायीहरु लाई उच्च मनोबलका साथ उद्यमशिलतामा लागी अर्थतन्त्रमा महत्वपुणर् योगदान पुर्याउन साथै अर्थतन्त्रमा देखिएको हालको असहज अवस्था चक्रिय प्रवृतिको रहेकोले सो अवस्थामा सबै सरोकारवाला निकायहरुको समन्वयकारी भुमिका रहनुपर्ने कुरा बताउनु भयो । साथै, उहाँले बैंक तथा वित्तिय संस्थाहरुलाई उद्योगी ब्यवसायीसंग सुमधुर सम्बन्ध बनाई कारोबार गर्न निर्देशन दिनुभयो ।
कार्यक्रममा नेपाल राष्ट्र बैंक सिद्धार्थनगर कार्यलयका निर्देशक रञ्जना पौडेलले स्वागत मन्तब्य राख्दै आ.व. २०७९/८० को मौद्रिक नीति र यसको पहिलो त्रैमासिक समिक्षाले गरेका ब्यवस्थाहरुका सम्बन्धमा सम्पुणर् सरोकारवाला निकायलाई जानकारी प्रदान गर्ने तथा सरोकारवाला निकायलाई हुन सक्ने द्धिविधा तथा गुनासोहरु लाई सम्बोधन गर्ने उदेश्यले यो अन्र्तक्रिर्या कार्यक्रम आयोजना गरिएको बताउनु भयो । सो अवसरमा नेपाल राष्ट्र बैंक बैंक तथा बित्तिय संस्था नियमन बिभागका निर्देशक बुद्ध राज शर्माले नेपाल राष्ट्र बैंकले जारी गरेको आ.व. २०७९/८० को मौद्रिक नीति र यसको प्रथम त्रैमासिक समिक्षाले गरेका ब्यवस्थाहरुका सम्बन्धमा कार्यपत्र प्रस्तुत गर्नु भएको थियो । सो क्रममा उहाँले मौद्रिक नीतिको लक्ष्य, कार्यदिशा, वित्तिय क्षेत्र सम्बन्धी ब्यवस्था, त्रैमासिक समिक्षा मार्फत गरिएका थप ब्यवस्थाहरु सम्बन्धमा चर्चा गर्नु भएका थियो ।
कार्यक्रममा सहभागि बक्ताहरुले पछिल्लो समय नेपाल राष्ट्र बैंक बाट जारी भएको चालु पँुजीकर्जा मार्गदर्शन, २०७९ लाई संशोधन गर्नुपर्ने, पछिल्लो समय अर्थतन्त्रमा देखिएको असहज परिस्थतीका कारण उद्योग तथा ब्यापार ब्यवसायमा मन्दि आएको र सोको कारण बैंक तथा वित्तिय संस्थाहरुबाट लिएको ऋणको साँवा तथा ब्याज भुत्तानी गर्न असहज अवस्था सिर्जना भएको, उद्योग तथा ब्यवसायहरुलाई सानो,मझौला तथा ठुला रुपमा बर्गिकरण गरी त्यसै अनुरुपको नीति नेपाल राष्ट्र बैंकले ल्याउनुपर्ने, कोभिड १९ को समयमा ल्याईएका पुनरकर्जा लगायतका सुबिधाहरुलाई अझै केही समय कायम राख्नुपर्ने, निर्यातलाई प्रोसाहन गर्ने गरि नेपाल राष्ट्र बैंकले नीति निर्देशनहरु ल्याउनुपर्ने, कृषि, पर्यटन र उत्पादनमुलक क्षेत्रमा प्रवाह हुने कर्जाको ब्याजदरलाई कम गर्ने नीति अवलम्बन गरिदिनुपर्ने, बिभिन्न सट्टाबाजी लगायतका डिजिटल माध्यमबाट हुन सक्ने पुँजी पलायन लाई नेपाल राष्ट्र बैंकले सुक्ष्म निगरानी गरी रोक्नु पर्ने, पछिल्लो समय ब्यवसायी र बैंक तथा वित्तिय संस्थाहरु बिच देखा परिरहेको असहज परिस्थितीमा नेपाल राष्ट्र बैंकले समन्वयकारी भुमिका निवाह गरिदिनु पर्ने लगायतका सुझावहरु राख्नुभएको थियो ।
नेपाल राष्ट्र बैंकका डेपुटी गर्भनर बमबहादुर मिश्र को प्रमुख आतिथ्यतामा आयोजित उक्त कार्यक्रममा नेपाल उद्योग बाणिज्य महासंघ, नेपाल चेम्बर अफ कमर्स, नेपाल उद्योग परिसंघ, होटल ब्यवसायी संघ, घरेलु तथा साना उद्योग संघ, नेपाल अटोमोवाईल डिलर एशोसियसनका प्रदेश एवम् जिल्लागत प्रतिनिधिहरु,उद्योगी ब्यबसायीहरु, बैंक तथा बित्तिय संस्थाका प्रमुख एवम् प्रतिनिधिहरु, लुम्बिनी प्रदेश अर्थ तथा सहकारी मन्त्रालय तथा विभिन्न सरकारी निकायका प्रमुख तथा प्रतिनिधिहरु, कृषक र नेपाल राष्ट्र बैंकका कर्मचारीहरु गरी ९० जनाको सहभागिता रहेको थियो ।
कार्यक्रममा सम्पत्ती तथा सेवा ब्यवस्थापन विभागका कार्यकारी निर्देशक ऋषीकेश भट्ट को पनि उपस्थीती रहेको थियो । कार्यक्रमको सञ्चालन नेपाल राष्ट्र बैंक सिद्धार्थनगर कार्यलयका उप निर्देशक जीवन प्रकाश पाण्डेय ले गर्नु भएको थियो ।
