बुटवल । अर्घाखाँचीमा ढुङ्गाले लागेर एक जना मजदुरको ज्यान गएको छ । मृत्यु हुनेमा सन्धिखर्क-११, जोगिमारेका ६१ वर्षिय ओमप्रकाश थापा रहेको अर्घाखाँची प्रहरीले जनाएको छ ।
मालारानी गाउँपालिका-२, झरनामा निर्माणाधिन झोलुङ्गे पुलको काम गर्ने क्रममा ढुंगा उछिट्टिएर टाउकोमा लाग्दा घाइते भएका थापाको उपचारको क्रममा जिल्ला अस्पताल अर्घाखाँचीमा मृत्यु भएको जिल्ला प्रहरी कार्यलयका प्रवक्ता ईन्स्पेक्टर कृष्ण घिमिरेले जानकारी दिनुभयो ।
