श्री मिलन इंग्लिश बोर्डिंग स्कुल, सुनवल -८ नवलपरासी को आयोजनामा रोटरी क्लब अफ भैरहवाले कक्षा ८, ९ का विद्यार्थीहरु तथा शिक्षकहरु लाई मानसिक स्वास्थ्य, लागु औषध र मोंटेश्वरि शिक्षण बिधिमा प्रशिक्षण दिएको छ । स्कुलका संस्थापक अध्यक्ष गोपाल बश्यालको अध्यक्षतामा भएको कार्यक्रममा अबलोन नेपालका प्रशिक्षक रञ्जु शर्माले मानसिक स्वास्थ्य के हो र यस बाट बच्न अपनाउने बिषयमा प्रशिक्षण दिनुभएको थियो । साथै प्रमुख प्रशिक्षक रोटरी क्लब अफ भैरहवाका वर्ष २०२३–२४ का अध्यक्ष उमेशचन्द्र आचार्यले लागु औषधको दुरुपयोग र यसबाट जोगिने उपाय र नयूनिकरण को बिषयमा प्रशिक्षण दिनुभएको थियो र अर्का प्रशिक्षक साधना भण्डारीले मोंटेश्वरि शिक्षण बिधि सन्दर्भमा सहजीकरण गर्नुभएको थियो ।
प्राचार्य नवराज न्यौपानेको स्वागत तथा शंकर पाण्डेको को संचालनमा सम्पन्न भएको कार्यक्रममा स्कुलका अध्यक्ष गोपाल बश्यालले क्लबले नयाँ सोचका साथ अगाडि बढाएको मानसिक स्वास्थ्य कार्यक्रमले स्कुल समुदयमा छुट्टै छाप छोड्ने विश्वास व्यक्त गर्दै यस्तो सचेतना कार्यक्रम हरेक स्कुलले अभिभावक लाई समेत दिनु पर्ने कुरामा जोड दिनुभयो र यसमा आफ्नो तर्फबाट पनि सक्दो सहयोग गर्ने प्रतिबद्धता उहाँले जनाउनुभयो । कार्यक्रममा क्लबका अध्यक्षआचार्यले विद्यार्थीहरु तथा शिक्षकहरुलाई आवश्यक परेको पहिलो चरणको परामर्श अबलोन नेपालसँगको सहकार्यमा निःशुल्क उपलब्ध गराउने प्रतिबद्धता ब्यक्त गर्नुभयो । उक्त कार्यक्रममा १०० जना विद्यार्थी र २३ जना स्कुलका शिक्षकहरुको उपस्थिति थियो।
