यस क्षेत्रकै सबैभन्दा बढि धनरासीको जिल्ला स्तरिय हाजिरीजवाफ प्रतियोगीता तयारी पुरा
बुटवल, पुस १३ । पठनसँस्कृति विकासका लागी नेपाल पुस्तक तथा स्टेशनरी व्यवसायी महासंघ रुपन्देही शाखाको आयोजनामा यस क्षेत्रकै सबैभन्दा बढि धनरासीको जिल्ला स्तरिय हाजिरीजवाफ प्रतियोगीता हुने भएको छ ।
यहि पुस १४ गते शनिवार बुटवलमा आयोजना हुने -‘सृजनाशिल जिल्ला स्तरिय रनिङ सिल्ड हाजिरी जावाफ प्रतियोगी’ को तयारी पुरा भएको कार्यक्रम संयोजक तथा महासंघका जिल्ला उपाध्यक्ष गोपाल बस्यालले जानकारी दिनुभयो । रुपन्देही जिल्लाका ८० विद्यालयको सहभागीता हुने प्रतियोगीता बुटवलको एशसीयन पार्टी प्यालेसमा हुने छ । नेपाल पुस्तक तथा स्टेशनरी व्यवसायी संघ रुपन्देहीका अध्यक्ष रामकृष्ण चापागाईले यस क्षेत्रमा सर्वाधिक धनरासीको यो प्रतियोगीता हुने जानकारी दिनुभयो । उहाले यो प्रतियोगीतालाई आगामी दिनमा पनि निरन्तर सञ्चालन गरिने समेत जानकारी दिनुभयो । प्रतियोगीतामा प्रथम पुरस्कार ५१ हजार नगद रहेको छ । यस्तै द्धितिय पुरस्कार २५ हजार र तृतिय १५ हजार रहेको छ भने सान्तवना पुरस्कार ५ हजार रहेको छ ।
प्रतियोगीतामा सहभागी विद्यालय समुहबाट पहिलो चरणमा ४० वटा प्रश्नको बस्तुगत प्रश्न लिखत रुपमा सोधने छ । त्यसबाट उत्कृष्ट भएका समुह अन्तीम चरणमा जाने छन् ।
