प्रधानमन्त्रीको गैरजिम्मेवार अभिव्यक्ति-
रुसी सेनामा भर्ती भएकाहरुलाई सरकारले पठाएको होइन ।’
काठमाडौं। प्रधानमन्त्री पुष्पकमल दाहालले जागिर खाने नाममा जहाँ पायो त्यहीं जानु गलत भएको बताउनु भएको छ ।
असंलग्न राष्ट्रहरुको सम्मेलनमा सहभागी भएर आइतबार स्वदेश फिर्ता भएका प्रधानमन्त्री दाहालले त्रिभुवन अन्तरराष्ट्रिय विमानस्थलमा पत्रकारसँग कुरा गर्दै नेपालीहरु रुसी सेनामा भर्ती भएको कुरामा सरकार गम्भीर भएको बताउनुभएको हो ।
रुस वा अन्यत्र भर्ती भएको भन्नेबारेमा सरकार निकै गम्भीर र संवेदनशील रहेको बताउँदै प्रधानमन्त्री दाहालले, ‘जागिर खाने नाममा जहाँ पायो त्यहीँ, नेपालको राज्यको नीति, संविधानको मर्म, लोकतान्त्रिक राष्ट्रिय स्वाधिनताको भावना विपरीत जहाँ पनि सेनामा भर्ती हुने, जहाँ पनि जाने प्रवृत्ति गलत भएको बताउनुभयो । उहाले अझ बाटो छलेर जाने तरिका भएन भन्ने चेतना फैलाउनुपर्छ । सरकार गम्भीर छ । यसमा सबै लाग्नुपर्छ ।’
रुसी सेनामा भर्ती भएकाहरुलाई फर्काउन सरकारले गम्भीरतापूर्वक पहल गरिरहेको पनि प्रधानमन्त्री दाहालको भनाइ छ। आफूले र परराष्ट्र मन्त्रीले कूटनीतिक पहल जारी राखेको बताउँदै प्रधानमन्त्रीले भन्नुभयो ‘सरकारले पठाएको पनि होइन सरकारले भन्ने बित्तिकै रुसले मान्दिहाल्ने कुरा पनि छैन ।’
युगाण्डा भ्रमणको क्रममा पनि रुसको उपविदेशमन्त्रीलाई भटेर नेपालीहरुलाई स्वदेश फर्काइदिन भनेको जानकारी प्रधानमन्त्रीले दिनुभयो । ‘रुसलाई नोट पठाइएको छ । परराष्ट्रमन्त्रीले पटक-पटक यो विषयमा कुरा गर्नुभएको उहाको ो भनाइ छ ।
