बुटवल । माघ ९ । जनमत पार्टी मधेश प्रदेश सरकारबाट बाहिरिएको छ । सरकारको नेतृत्वकर्ता जनता समाजवादी पार्टी जसपासँग खटपट झडपकै अवस्थामा पुगेपछि सीके राउत नेतृत्वको जनमत पार्टी मधेश सरकारबाट बाहिरिएको हो ।
मधेश प्रदेश सरकारका शिक्षा तथा संस्कृति मन्त्री महेशप्रसाद यादव र श्रम तथा यातायातमन्त्री चन्दन सिंहले मंगलबार राजीनामा दिएर सरकार छाडेका हुन् ।
जनमत पार्टीले सरकारलाई दिएको समर्थन समेत फिर्ता लिएको छ । सरकार गठन भएको एक वर्षपछि सरकारको नेतृत्व जनमतलाई दिने सहमति जनता समाजवादी पार्टीले उल्लंघन गरेकाले आफूहरुले सरकार छाडेको जनमत पार्टीका नेताहरुले बताएका छन् 
।
