काठमाडौै । सरकारले गैरआवासीय नेपाली संघ अन्तर्राष्ट्रिय समन्वय परिषद् एनआरएनएको निर्वाचनका क्रममा भएको विवाद समाधान गर्न छानविन समिति बनाएको छ ।
समितिको संयोजकमा महान्यायाधिवक्ताको कार्यालयका सहमहान्यायाधिवक्ता ध्रुवकुमार चौहान छन् । सदस्यहरुमा परराष्ट्र मन्त्रालयका सहसचिव, प्रहरी वरिष्ठ उपरीक्षक र लेखा तर्फका उपसचिव छन् ।
समितिलाई १५ दिनभित्र छानविन गरी प्रतिवेदन पेस गर्न भनिएको छ ।
एनआरएनएको ११औं महाधिवेशनमा अध्यक्षको प्रतिस्पर्धामा विजयी भएका उम्मेदबार बद्री केसीले अनलाइन भोटिङ सिस्टममार्फत् मत कब्जा गरेको भन्दै अर्को पक्षले विरोध गरेको थियो ।
अरु प्रत्यासी महेशकुमार श्रेष्ठ र आरके शर्माले उक्त मतपरिणाम आफूहरुलाई मान्य नभएको भन्दै संयुक्त विज्ञप्ति नै जारी गरेका थिए । महाधिवेशन
असोज ३० गतेदेखि काठमाडौंमा सुरु भएको थियो ।
