बुटवल । नेपाल आईसीसी यू-१९ विश्वकप २०२४ को सुपर सिक्समा पुगेको छ । अफगानिस्तानलाई १ विकेटले हराउँदै नेपालले सुपर सिक्सको यात्रा तय गरेको हो ।
तीव्र गतिका बलर आकाश चन्द र कप्तान देव खना
लको उत्कृष्ट प्रदर्शनमा नेपालले जितको लागि १४६ रनको लक्ष्य ४४.४ ओभरमा ९ विकेट गुमाउँदै पूरा गरेको हो नेपाल समूह डी बाट तेस्रो स्थानमा रहँदै सुपर सिक्समा पुगेको छ।
सातौं विकेटको रुपमा आउट हुनुअघि कप्तान देव खनालले ८९ बलमा ७ चौका प्रहार गर्दै ५८ रन जोडे।
त्यसअघि ओपनरद्वय अर्जुन कुमाल १० रन, विपिन रावल ३ रन र गुल्सन झा १ रनमा आउट हुँदा नेपालमाथि दबाब परेको थियो।
दक्षिण अफ्रिकाको इस्ट लन्डनमा टस जितेर ब्याटिङ गरेको अफगानिस्तान ४०.१ ओभरमा १४५ रनमा अलआउट भयो।
खेलमा उत्कृष्ट बलिङ गरेका नेपालका आकाश चन्दले ५ विकेट लिने क्रममा ८ ओभरमा ३४ रन खर्चिए।
अब सुपर-६ मा नेपालले समूह ‘ए’ का भारत, बंगालदेश र आयरल्यान्डसँग प्रतिस्पर्धा गर्नेछ। समूह ए मा भारत, बंगलादेश, आयरल्यान्ड र अमेरिका छन् ।
