बुटवल माघ १३
रुपन्देहीको देवदहमा अन्तर विद्यालय स्तरीय प्रथम राष्ट्रपति कप रनिङ्ग शिल्ड छनोट प्रतियोगिता उद्घाटन खेलमा विभिन्न प्रतियोगिता सम्पन्न भएका छन । खेल अन्तर्गत १५ सय मिटर छात्रा तर्फ भएको दौडमा जनप्रिय माविका उषा दर्लामी प्रथम, देवदह बुद्ध पव्लिकका अमृता हमाल द्वितिय, प्रगति माविका सपना नेपाली तृतीय र ज्ञान ज्योति माविका मिना तामाङ्ग सान्त्वना स्थान प्रप्त गरका छन । यसैगरी छात्र तर्फको सोही खेलमा नारायणी पव्लिक स्कुलका शान्तराम परवान प्रथम, देवदह माविका सुभाष बराल द्वितिय, केरवानी माविका सविन घर्ती तृतीय र जनप्रिय माविका अभिषेक फाल सान्त्वना स्थान प्रप्तगरेको आयोजक कमिटिका सदस्य सचिव तथा देबदह माविका प्रार्चाय हरीप्रसाद पाण्डेले जानाकारी दिनुभयो ।
यसैगरी प्रतियोगिता अन्तर्गत छात्रा तर्फ भएको सटफुट खेलमा न्यू नमुना स्कुलका प्रिंशा सिंजाली प्रथम, सगरमाथा स्कुलका कृष्टि पौडेल द्वितीय, जनप्रिय माविका खिमा खत्री तृतीय र सेभेन स्टार स्कुलका मेनुका चौधरी सान्त्वना भएका छन् । छात्र तर्फ भएको सोही खेलमा देवदह बुद्ध पव्लिक स्कुलका रविस सुनार प्रथम, सेभेनस्टार स्कुलका सुमन गुरुङ्ग द्वितिय, केरवानी माविका सुजन पटेल तृतीय र सगरमाथा आवासी माविका दिव्सन ठकुरी सान्त्वना स्थान प्राप्त गरेका छन ।
