कार्तिक २६
बुटवल ः बागलुङको जैमिनी नगरपालिका- ७ जैदीको व्यार्थला नजिकै ‘पिकअप भ्यान’ दुर्घटना हुँदा पाँचजनाको मृत्यु भएको छ ।
बागलुङको जैमिनी नगरपालिका-८ छिस्तीबाट जिल्ला सदरमुकाम बागलुङ बजार जादै गरेको ग २ च ९२४७ नम्बरको भ्यान सोमबार बिहान दुर्घटना हुँदा चालकसहित पाँचजनाको मृत्यु भएको हो । मृतकहरूको पहिचान खुलिसकेको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिनुभयो । उहाका अनुसार मृत्यु हुनेमा जिप चालक जिल्ला बागलुङ जैमिनी न.पा.०८ केवई बस्ने बर्ष ३८ बर्षिया जिप चालक महेन्द्र पुन सोहि स्थानका बर्ष २० की रश्मी श्रीस सोहि स्थानका ५० बर्षिया नन्दकली पुन जैमिनीकै बर्ष १७ को निरज श्रीष सोहि स्थानकै बर्षिया कुल प्रसाद श्रीष रहेका छन । सोहि स्थानकै ४५बर्षिया गंगा बहादुर श्रीस घाइते भएको र उपचारका लागि जिल्ला अस्पताल बागलुङ लगिएको प्रहरीले जनाएको छ ।भ्यान सडकबाट करिब १०० मिटरभन्दा तल खसेको थियो। भ्यानमा सवार एक जनाको जीवितै उद्धार गरिएको छ ।
