बुटवल । जीवराज आश्रित स्मृति प्रतिष्ठान नेपालको १४ औं बार्षिक साधारणसभा सम्पन्न भएको छ । नेकपा एमालेका तत्कालीन संगठन विभाग प्रमुख जिवराज आश्रितको जिवनशैली र कृतित्वको रक्षा गर्ने उद्देश्यले २०६६ सालमा जीवराज आश्रितस्मृति प्रतिष्ठान नेपालको स्थापना भएको थियो । साधारण सभाले महासचिव बिष्णु केसीले प्रस्तुत गरेको संस्थाको प्रगति प्रतिवेदन, कोषाध्यक्ष प्रकाश अर्यालद्धारा प्रस्तुत आर्थिक प्रतिवेदन तथा लेखा संयोजक रामप्रसाद पाण्डेद्धारा प्रस्तुत लेखा समितिको प्रतिबेदन छलफल गरी पारित गरेको छ ।
संस्थाका अध्यक्ष युवराज घिमिरे अध्यक्षता, संस्थाका संस्थापक अध्यक्ष तथा संरक्षक देवेन्द्र घिमिरेको प्रमुख आथित्यतामा भएको कार्यक्रममा बोल्ने बक्ताहरुले वामपन्थी राजनीतिक दलहरुले आफ्नो धरातल भुल्दै गएको भन्दै चिन्ता ब्यक्त गरे । कार्यक्रममा बोल्दै संस्थाका संरक्षक घिमिरेले समाज परिवर्तन लागि के गर्नु पर्छ भन्ने कुरा स्वर्गीय जिवराज आश्रितबाट सबैले शिक्षा लिनुपर्ने बताउनुभयो । आश्रितले जनताका लागि गरेको योगदानको कदर गर्न पनि उहाँले आग्रह गर्नुभयो । कार्यक्रममा बुटवल उपमहानगर पालिका उपप्रमुख सावित्रादेवी अर्यालले जिवराज आश्रित जनताको भावना बुझ्ने एक सर्वहारा यथार्थवादी नेता भएको बताउनुभयो ।
एमाले रुपन्देही जिल्ला अध्यक्ष यज्ञ गैरे, एमाले केन्द्रीय सदस्य शिवराज सुवेदी, उमाकान्त बस्याल, कल्पना थापा लगायतले बोल्दै जिवराज आश्रितका सपना पुरा गर्न सबै लाग्नु पर्ने बताउनुभयो । उहाँहरुले जिवराज आश्रितको ब्यक्तित्व र कृतित्व को रक्षा गर्दै आम नेपाली नागरिकसँग पुर्याउन अधिकतम् प्रयासगर्ने बताउनु भयो । राजनीतिमा मौलाएको अराजकता लाइ परास्त गर्न जरुरी रहेको उहाँहरुको भनाइ छ ।
