बुटवल,माघ २४ ।
केशव भण्डारी
रुपन्देहीको तिलोत्तमामा रहेको श्रृङ्गेश्वर धाममा महायज्ञको तयारी पुराभएको छ । धार्मिक पर्यटनको केन्द्र बन्दै गरेको धाममा तयार गरिएको गुरुयोजना अनुसारका पूर्वाधार निर्माणको लागि आर्थिक संकलन गर्ने उद्देश्यले महायज्ञ गर्न लागिएको धामले पत्रकार सम्मेलन गरी जानकारी गराईएको हो ।
झण्डै १८ कठ्ठा क्षेत्रफलमा फैलिएको धाम परिषरमा रहेको जेष्ठ नागरिक मिलन केन्द्रको भवन निर्माणको लागि आर्थिक संकलन गर्ने उद्देश्यले यहि माघको २४ गतेदेखि फागुन २ गतेसम्म श्रीमद्भागवत ज्ञान–विज्ञान श्रृङ्गेश्वर धार्मिक महा महोत्सव तथा श्रृङ्गारिक महाआरती गर्न लागिएको श्रृङ्गेश्वरधाम एवं महायज्ञ आयोजक समितिका अध्यक्ष ऋषि भण्डारीले जानकारी गराउनुभयो । मानविय पवित्र भावले गर्न थालिएको महायज्ञमा कुनै प्रभोलनमा करकापमा पारेर आर्थिक संकलन नगरीने धामका अध्यक्ष भण्डारीले बताउनु भयो । मन बचन सेवा भावले अफै भक्तजनले दिएको रकम लिने उहाको भनाइ थियो ।
महायज्ञको तिलोत्तमा नगरपालिकाका नगरप्रमुख रामकृष्ण खाँणले उद्घाटन गर्ने कार्यक्रम तय गरीएको जेष्ठ नागरिक मिलन केन्द्रका अध्यक्ष यदुनाथ पाण्डेले बताउनुभयो ।
आज बिहिवार बिहान ११ बजेवाट शोभा कलश यात्रा गरिने छ । त्यस्तै महायज्ञमा ब्रतबन्ध, चौरासी पुजा, ग्रहशान्ती, तुलादान, रुद्रादिभिषेक लगायतका विशेष कर्मसमेत गरिने अध्यक्ष पाण्डेले बताउनु भयो । त्यस अवसरमा गुल्मेली सम्पर्क समाजका अध्यक्ष तथा धामका संरक्षक डा. नारायण पन्थले महायज्ञलाइ सफल बनाउन सवैको सहयोग आवस्यक रहेको बताउनु भयो । उहाले पवित्र भावले सक्दो दान गर्नको लागि आह्वान पनि गर्नुभयो ।https://www.youtube.com/watch?v=0SXhlpQej3c
पण्डित ओमप्रकाश सुवेदीको मुखारबृन्दबाट हुने कथा प्रवचनमा हरेक दिन बिहान योग तथा ध्यान, नित्य पुजा पाठपारायण, दिउँसो कथा प्रवचन, साँझ श्रृङ्गारिक दिब्य महाआरती, राष्ट्रिय कलाकार सहितको देवलिलामय झाँकी, भजन हुने प्रचारप्रसार समितिको संयोजक पत्रकार खिमानन्द भट्टराईले जानकारी गराउनुभयो । धाममा भित्र रहेको जेष्ठ नागरीक मिलन केन्द्रमा अहिले ८० बढी जेष्ठनागरीकले सेवा लिदै आउनु भएको छ । महायज्ञको माध्यमबाट ५०० बढी जेष्ठनागरीकको सेवा गर्ने लक्ष्य धामले लिएको छ । केहिबर्ष अगाडि सम्म सामान्य व्यक्ती जान नसक्ने झाडिलाइ गुल्मेलि सम्पर्कसमाजको पहलमा यस क्षेत्रकै धार्मिक तथा प्रर्यटकिय गन्तब्यमात्रै बनेको छैन जेष्ठनागरीक हरुकै भाषमा जिउदै स्वर्ग देख्ने ठाउबनेको छ श्रृङ्गेश्वर धाम ।
