बुटवल, माघ–२५
रूपन्देही जिल्लाका विद्यार्थीहरुमा अन्तर्निहित गायनकला सम्बन्धी प्रतिभालाई उजागर गर्दै र पुरस्कृत गर्दै हरेक वर्ष बुटवलस्थित दीप बोर्डिङ हाई स्कुलले आयोजना गर्ने दीप गायन तारा शुक्रबार आरम्भ भएको छ ।
प्रतियोगिताको १२ औँ संस्करणअन्तर्गत शुक्रबार आयोजित छनोट चरणमा जिल्लाका मावि तहसम्मका ३१ विद्यालयका प्रतियोगीले सङ्गीतसहित तथा सङ्गीतरहित गायन कला प्रस्तुत गरेका थिए । यस चरणबाट कालिका मानव ज्ञान माविका स्मृति श्रेष्ठ, नमुना एभरग्रिनका नुरङ्ग सारू, श्री रुद्रपुर सेकेन्डरीका सपना पुन, कान्ति माविका क्रिस्टिना खनाल, प्यारामाउन्ट बोर्डिङका आरभ पौडेल, अन्नपूर्ण मा विका रितिका राई, श्री पशुपति माविका गौरव गुरुङ, इटलेक्च्वलका नेहारिका ढुङ्गाना, समिट इङ्लिस स्कुलका विशिका परियार, श्री गीर्वाण माविका दीपक तिवारी, ग्रिनप्लान्ट बोर्डिङका विशेष भूर्तेल, न्यू होराइजनका काव्य प्रधान, एभरेस्ट इङ्लिस बोर्डिङका सुवास गुरुङ, बुद्ध दीपका शान्ति गुरुङ, गार्गी एकेडेमीका अभिमन्यु सुनार, सन मोडेल इङ्लिसका दीक्षा पुन, देवदह बुद्ध पब्लिकका प्रिन्स कंडेल, श्री सिद्धार्थ मेमोरियलका मिल्सा परियार, तिनाउ इङ्लिसका ऐश्वर्या कार्की र न्यु इन्भाइन्मेन्टका असिम राना गरी जम्मा २० जना विद्यार्थी प्रतियोगी दोस्रो तथा निर्णायक चरणका निम्ति छनोट भएका छन् ।
निर्णायक चरणको प्रतियोगिता यही आउँदो फागुन ५ गते सोमबार विद्यालयमै आयोजना गरिने बताइएको छ । दीप गायन तारा प्रतियागिताको विजेतालाई ३० हजार, दोस्रो हुनेलाई २० हजार, तेस्रो हुनेलाई १० हजार तथा प्रोत्साहनस्वरूप २ जनालाई दुई/दुई हजारका साथ शिल्ड, मेडल र प्रमाणपत्र पुरस्कारका रूपमा प्रदान गरिने कार्यक्रम संयोजक श्याम बस्यालले बताउनुभयो ।
दीप बोर्डिङले १४ वर्षअघि देखि वार्षिक रूपमा भव्य तरिकाले दीप गायन तारा प्रतियोगिता आयोजना गर्दै आएको छ । प्रतियोगितामा वरिष्ठ सङ्गीतकार नारायणबहादुर थापा र सङ्गीतकार एवम् वरिष्ठ आधुनिक गायक तेजु अर्याल निर्णायकको भूमिकामा रहनुभएको थियो । प्रतियोगितामा बोल्दै प्रमुख अतिथि एवम् नेपाल अभिभावक सङ्घका लुम्बिनी प्रदेश अध्यक्ष हेम थापाले विद्यालयका अतिरिक्त क्रियाकलापलाई अतिरिक्त नभनेर अनिवार्य विषयवस्तु मान्नुपर्नेमा जोड दिनुभयो । उहाँले विद्यालयमा विद्यार्थीका सर्वपक्षीय विकास हुनुपर्छ भन्दै त्यसको राम्रो नमुना दीप बोर्डिङले प्रस्तुत गरेको बताउनुभयो र यसको सिको अरूले पनि गर्नुपर्ने उल्लेख गर्नुभयो । थापाले दीपले आफ्ना शैक्षिक र रचनात्मक गतिविधिका साथ कलाकार जन्माउने उद्योगका रूपमा आफूलाई भविष्यमा उभ्याउने विश्वास व्यक्त गर्नुभयो । 
सभाध्यक्षका रूपमा विद्यालयका प्राचार्य टीकाराम न्यौपानेले स्वागत मन्तव्यसहित कार्यक्रमको उद्देश्यबारे प्रकाश पार्दै देशको भाषा, कला र सङ्गीतका क्षेत्रमा गहकिलो योगदान पुगोस् र आजका उदाउँदा गायक प्रतिभाले देशको नाम फैलाउन सकुन् भन्ने दूरगामी सोच राखी दीप बोर्डिङले कार्यक्रम सञ्चालन गर्दै आएको बताउनुभयो । न्यौपानेले सबैका रचनात्मक सुझाव र सरसल्लाह मनन गर्दै आगामी कार्यक्रम अझै भव्य र परिष्कृत रूपमा लैजाने उल्लेख गर्नुभयो ।
प्राचार्य न्यौपानेको अध्यक्षता, नेपाल अभिभावक सङ्घ लुम्बिनी प्रदेश अध्यक्ष हेम थापाको प्रमुख आतिथ्य, नेपाल अभिभावक सङ्घका केन्द्रीय सदस्य तथा रुपन्देही अध्यक्ष लोकनाथ ज्ञवालीको विशिष्ट आतिथ्यमा सम्पन्न कार्यक्रममा व्याब्सन बुटवल नगर समितिका अध्यक्ष मित्रहरि आचार्य, बुटवल उपमहानगरपालिका वडा नं. ८ का अध्यक्ष यज्ञप्रसाद पंगेनी, विद्यालयका उपप्राचार्यद्वय ज्ञानु थापा र कलाधर अर्याल, विव्यस सदस्यद्वय वसन्तकुमार जोशी र रेखा श्रेष्ठ, कार्यक्रम संयोजक श्याम बस्याल, कक्षा ११ र १२ का संयोजक कमल नेपाल, सहसंयोजक अमर खत्री, ९ र १० संयोजक के.बी. खाम्चा, कार्यक्रम सहसंयोजक एवम् ७ र ८ का संयोजक कृष्ण भुसाल, ४, ५ र ६ का संयोजक सरिता सोती, १,२ र ३ का संयोजक पार्वती सिंह, नर्सरी र केजी संयोजक विजया थापा, कर्मचारी संयोजक सुरेन्द्र अधिकारी, सहभागी विद्यालयका शिक्षक प्रतिनिधि र पत्रकारहरूको आतिथ्यमा सम्पन्न कार्यक्रममा दीप बोेर्डिङका विद्यार्थीहरूले सामूहिक रूपमा गणेश वन्दना र वाद्यवादनसिहत स्वागत गीत प्रस्तुत गरेका थिए । कार्यक्रममा प्रशिक्षक किशोर थापाले नृत्यको र विजय सापकोटाले वाद्यवादन तथा सङ्गीततर्फको संयोजन गर्नुभएको थियो भने कार्यक्रमको सञ्चालन शिक्षकद्वय छवि ज्ञवाली र विजय सापकोटाले सञ्चालन गर्नुभएको थियो भने प्राविधिक तथा कार्यक्रम सहजीकरणमा सन्दिप बस्याल, दिनेश धवल, रेखा आचार्य, सङ्गीता ज्ञवाली लगायतले सहयोगी भूमिका निर्वाह गर्नुभएको थियो ।
