महिलाका अधिकार स्थापित गर्न अनेमा संघको अंहम भुमिका
फागुन २४ बुटवल । अखील नेपाल महिला संघ (अनेमसंघ) रुपन्देहीले ११५ आँै अन्तराष्ट्रिय नारी दिवसको अवसरमा विभिन्न क्षेत्रमा अब्बल महिलाहरुलाई सम्मान गरेको छ । अनेमसंघ) रुपन्देहीले बुटवलमा आयोजना गरीएको कार्यक्रममा अनेमसंघ रुपन्देही अध्यक्ष विष्णु केसीको अध्यक्षता तथा नेकपा (एमाले) केन्द्रीय सदस्य तथा रुपन्देही क्षेत्र नम्बर २ इर्ञ्चाज गोमादेवि आचार्यको प्रमुख आतिथ्यता रहेको थियो । सोही अवसरमा बोल्दै प्रमुख अतिथी आचार्यले महिला अधिकारका लागि एकजुट भएर अघि बढ्नुपर्ने बताउनुभयो । साथै उहाले आबश्यक परे सडक, सदन र सरकार तीन ठाउँबाटै खबरदारी गर्नुपर्ने बताउनुभयो ।
कार्यक्रममा नेकपा (एमाले) केन्द्रीय सदस्य तथा रुपन्देही क्षेत्र नम्बर ३ इर्ञ्चाज सावित्रादेवि अर्याल, एमाले प्रदेश कािटि सदस्य तथा अनेमसंघ स्थायी कमिटि सदस्य थानकुमारी थापा, अनेमसंघ स्थायी कमिटि सदस्यत्रय लक्ष्मी कोइराला, कल्पना थापा, ज्ञानु केसी, नेकपा एमाले लुम्बिनी प्रदेश कमिटि सदस्यहरु विमला श्रेष्ठ, सावित्रा घिमिरे, तारा पाण्डे, कमला विक, मञ्जु भुसाल, विद्यालक्ष्मी गुरुङ, उमा अधिकारी, नेकपा एमाले रुपन्देहीका अध्यक्ष यज्ञ गैरे लगायतले बोल्दै श्रममा अहिले पनि महिला हरुमाथि विभेद गरीएको भन्दै अनेमा संघले महिला हरुको हकहितका लागि लड्नुपर्ने बताउनु भयोे ।
सोही अवसरमा शिक्षा तर्फबाट रेनुका खरेल, राजनीति तर्फबाट बुटवल–७ निवासी गोमा चापागाईं, श्रम क्षेत्रबाट देवदह–१० निवासी ज्योति गुरुङ, प्राविधिक इलेक्ट्रीक्स तर्फबाट बुटवल–११ निवासी चम्पा कार्की लगायतलाई सम्मान गरीएको थियो । ‘सबै महिला तथा बालिकाको लागिः अधिकार, समानता र सशक्तिकरण’ भन्ने मूल नाराका साथ संसारभर विभिन्न कार्यक्रमका साथ आज एक सय १५औँ अन्तरराष्ट्रिय महिला दिवस मनाइदैछ ।
