काठमाण्डौ। राष्ट्रिय प्रकोप व्यवस्थापन सञ्जाल नेपाल डिमानको १५औं साधारण सभा तथा पांचौं अधिवेशनले सूर्य बहादुर थापाको अध्यक्षतामा १४ सदस्यीय केन्द्रीय कार्य समिति निर्विरोध निर्वाचित गरेको छ । काठमाडौंमा सम्पन्न अधिवेशनले उपाध्यक्षमा सान्त्वना केसी देवकोटा, महासचिवमा विष्णुप्रसाद तिमिल्सिना, उपमहासचिव श्रीधर न्यौपाने, कोषाध्यक्षमा कल्पना तिवारीलाई चयन गरेको हो। यस्तै सदस्यहरूमा वैजनाथ चौधरी, प्रकाश कोइराला ,प्रकाश सारु ,माधव प्रधान ,एकराज छत्कुली ,गिता अधिकारी ,गिता पाण्डे ,रुपेन्द्र बस्नेत ,विनोद सुनारलाई चयन गरिएको छ । अधिवेशनको उदघाटन डिमानका अध्यक्ष सूर्य बहादुर थापाले गर्नु भएको थियो । अधिवेशनको क्रममा स्थानीयकरण सम्बन्धी छलफल कार्यक्रमसमेत आयोजना गरिएको थियो । त्यस अवसरमा पुर्व सचिव केदार न्यौपाने, डिपीनेट नेपालका अध्यक्ष डा. राजु थापा, नियर नेटवर्क एशिया नेपालका फोकल व्यक्ति सूर्य नारायण श्रेष्ठ, विपद् व्यवस्थापन विज्ञ रोहित यादव लगायतले बोल्नुभएको थियो।
